ہر جگہ ہیں جلوہ گستر دیکھ لو
ہر مکاں ہر دل کے اندر دیکھ لو
Har jagah hain jalwa gastar dekh lo
Har makaan har dil ke andar dekh lo
اُن کا جلوہ ہر جگہ موجود ہے
چاہو جس دَم آنکھ اُٹھا کر دیکھ لو
Un ka jalwa har jagah maujood hai
Chaho jis dam aankh utha kar dekh lo
عرش و فرش و لامکاں ہی میں نہیں
بلکہ ہر ذَرَّہ کے اندر دیکھ لو
Arsh o farsh o la-makaan hi mein nahi
Balkah har zarrah ke andar dekh lo
اس قدر رکھو تصوّر ہر گھڑی
اُن کی صورت دِل کے اندر دیکھ لو
Is qadar rakho tasawwur har ghari
Un ki soorat dil ke andar dekh lo
رُویت حق کی تمنا ہے اگر
شاہ کا رُوئے منوّر دیکھ لو
Ru'yat-e-Haq ki tamanna hai agar
Shah ka rooye munawwar dekh lo
چودھویں کا چاند بھی شرمائے گا
خاکِ طیبہ منہ پہ مَل کر دیکھ لو
Chaudhween ka chaand bhi sharmaayega
Khaak-e-Tayyaba munh pe mal kar dekh lo
خلد آئے گی منانے کے لیے
آستاں پر اُن کے مر کر دیکھ لو
Khuld aaye gi mananay ke liye
Aastaan par un ke mar kar dekh lo
چاہتے ہو گر رہے باقی نشاں
آستاں پر اُن کے مٹ کر دیکھ لو
Chaahte ho gar rahe baqi nishaan
Aastaan par un ke mit kar dekh lo
یوں مُنادی حشر میں دے گا ندا
کشتیِ اُمت کا لنگر دیکھ لو
Yun munaadi hashr mein de ga nida
Kashti-e-ummat ka langar dekh lo
پیاس سے باہر زبانیں آگئیں
بہرِ حق یا شاہِ کوثر دیکھ لو
Piyaas se bahar zubanein aa gayi
Behre Haq ya Shah-e-Kausar dekh lo
عرش و فرش ولا مکاں سب مِلک ہیں
ایسے ہوتے ہیں تونگر دیکھ لو
Arsh o farsh o la-makaan sab milk hain
Aise hote hain to-nagar dekh lo
عرضِ حاجت کی ضرورت ہی نہیں
حال سب روشن ہے تم پر دیکھ لو
Arz-e-haajat ki zarurat hi nahi
Haal sab roshan hai tum par dekh lo
ہے پھنسا غم میں جمیلؔ قادری
رَحمِ گستر بندہ پروَر دیکھ لو
Hai phansa gham mein Jamil Qadri
Rahm-e-gastar banda parwar dekh lo
Share This Naat
Share with friends and family
ہر جگہ ہیں جلوہ گستر دیکھ لو
جمیل الرحمن قادری