رونقِ بزمِ جہاں ہیں عاشقانِ سوختہ
کہہ رہی ہے شمع کی گویا زبانِ سوختہ
Ronaq-e-bazm-e-jahaan hain aashiqaan-e-sookhta
Keh rahi hai shama ki goya zubaan-e-sookhta
جس کو قرصِ مہر سمجھا ہے جہاں اے مُنعمو!
اُن کے خوانِ جُود سے ہے ایک نانِ سوختہ
Jis ko qars-e-mehr samjha hai jahaan aye mun’amu!
Un ke khwaan-e-jood se hai ek naan-e-sookhta
ماہِ من یہ نیّرِ محشر کی گرمی تابکے
آتشِ عصیاں میں خود جلتی ہے جانِ سوختہ
Maah-e-mann yeh neyr-e-mahshar ki garmi taabke
Aatish-e-isyyaan mein khud jalti hai jaan-e-sookhta
برقِ انگشتِ نبی چمکی تھی اس پر ایک بار
آج تک ہے سینۂ مہ میں نشانِ سوختہ
Barq-e-angusht-e-Nabi chamki thi is par ek baar
Aaj tak hai seenah-e-meh mein nishaan-e-sookhta
مہر عالم تاب جھکتا ہے پئے تسلیم روز
پیشِ ذرّاتِ مزارِ بیدلانِ سوختہ
Mehr-e-aalam taab jhukta hai paye tasleem rooz
Pesh-e-zarrat-e-mazaar-e-baidlaan-e-sookhta
کُوچۂ گیسوئے جاناں سے چلے ٹھنڈی نسیم
بال و پر افشاں ہوں یاربّ بلبلانِ سوختہ
Kooche-e-gisoy-e-jaanaan se chale thandi naseem
Baal o par afshaan hoon yarabb bulbulaan-e-sookhta
بہرِ حق اے بحرِ رَحمت اِک نگاہِ لطف بار
تابکے بے آب تڑپیں ماہیانِ سوختہ
Behr-e-haq aye behr-e-rahmat ik nigah-e-lutf baar
Taabke be-aab tarpein maahiyan-e-sookhta
رُوکش خورشید محشر ہو تمہارے فیض سے
اِک شرارِ سینۂ شیدائیانِ سوختہ
Rooksh khorsheed mahshar ho tumhare faiz se
Ik sharar-e-seenah-e-shidaaiyaan-e-sookhta
آتشِ تردامنی نے دل کیے کیا کیا کباب
خِضْر کی جاں ہو جِلا دو ماہیانِ سوختہ
Aatish-e-tardamani ne dil kiye kya kya kabaab
Khizr ki jaan ho jila do maahiyan-e-sookhta
آتشِ گلہائے طیبہ پر جلانے کے لئے
جان کے طالب ہیں پیارے بلبلانِ سوختہ
Aatish-e-gulha-e-Tayyiba par jalane ke liye
Jaan ke taalib hain pyaare bulbulaan-e-sookhta
لطفِ برقِ جلوۂ معراج لایا وجد میں
شعلۂ جوالہ ساں ہے آسمانِ سوختہ
Lutf-e-barq-e-jalwa-e-mi’raaj laya wajd mein
Shola-e-jawala saan hai aasman-e-sookhta
اے رضاؔ مضمون سوزِ دِل کی رِفعت نے کیا
اس زمینِ سوختہ کو آسمانِ سوختہ
Aye Raza mazoon soz-e-dil ki rifa’at ne kya
Is zameen-e-sookhta ko aasman-e-sookhta
Share This Naat
Share with friends and family
رونقِ بزمِ جہاں ہیں عاشقانِ سوختہ
احمد رضا خان بریلوی