مرحبا ختمِ مُرسلیںؐ آئے
فخرِ دنیا و فخرِ دیں آئے
Marhaba Khatm-e-Mursaleen (ﷺ) aaye
Fakhr-e-Dunya o Fakhr-e-Deen aaye
پستیوں کو بلندیاں دینے
فرش پر عرش کے مکیں آئے
Pastiyon ko bulandiyan dene
Farsh par Arsh ke makeen aaye
یہ ہمارے نصیب ہیں ورنہ
آسماں بر سرِ زمیں آئے
Yeh humare naseeb hain warna
Aasman bar sar-e-zameen aaye
سب نبی اپنے عہد کے تھے نبی
لیکن اب عہد آفریں آئے
Sab Nabi apne ehad ke the Nabi
Lekin ab ehad aafreen aaye
سب سے بڑھ کر جہاں ضرُورت تھی
باعثِ کُن فکاں وہیں آئے
Sab se barh kar jahan zaroorat thi
Bais-e-Kun Fakaan wahi aaye
کنجِ خلوت بھی بزمِ عرفاں ہے
یہ بتانے حِرا نشیںؐ آئے
Kunj-e-Khalwat bhi bazm-e-Irfan hai
Yeh batane Hira nasheen (ﷺ) aaye
آپؐ اُن کے لئے بھی رحمت ہیں
جو زمانے ابھی نہیں آئے
Aap (ﷺ) un ke liye bhi rehmat hain
Jo zamane abhi nahi aaye
ظلم ہے ظلم کا جواب مگر
آپؐ اس کے لئے نہیں آئے
Zulm hai zulm ka jawab magar
Aap (ﷺ) is ke liye nahi aaye
مُجھ سا عاصی اور اُنؐ کی چشمِ کرم
ہائے کِس طرح سے یقیں آئے
Mujh sa aasi aur un (ﷺ) ki chasm-e-karam
Haaye kis tarah se yaqeen aaye
Share This Naat
Share with friends and family
مرحبا ختمِ مُرسلیںؐ آئے
حنیف اسعدی