جسے جو چاہیے اے کبریا دے
مجھے بس الفتِ خیر الورا دے
Jise jo chahiye ay Kibriya de
Mujhe bas ulfat-e-Khair ul wara de
جگر کو سوز دے دل کو تڑپ دے
نظر کو تابِ دیدِ مصطفیٰ دے
Jigar ko soz de dil ko tarap de
Nazar ko tab-e-deed-e-Mustafa de
اسیرِ لالہ و گل ہوگئے ہیں
خرد مندوں کو کچھ اپنا پتہ دے
Aseer-e-lala o gul hogaye hain
Khirad mandon ko kuch apna pata de
عطا کر مجھ کو وہ عرفان و مستی
جو مجھ کو مجھ سے بیگانہ بنادے
Ata kar mujh ko woh irfan o masti
Jo mujh ko mujh se begana banade
جبیں سا ہیں جہاں شاہانِ عالم
مجھے بھی وہ درِ اقدس دکھا دے
Jabeen sa hain jahan shahan-e-alam
Mujhe bhi woh dar-e-aqdas dikha de
رہے عکسِ جمالِ یار جس میں
مرے دل کو وہ آئینہ بنادے
Rahe aks-e-jamal-e-yaar jis mein
Mere dil ko woh aiyna banade
جب اعظم ہر جگہ موجود ہے وہ
کوئی اس کا پتہ دے بھی تو کیا دے
Jab Azam har jagah maujood hai woh
Koi us ka pata de bhi to kya de
Share This Naat
Share with friends and family
جسے جو چاہیے اے کبریا دے
محمد اعظم چشتی