آزار خدا دیوے تے آزار محمّدؐ دا
بیمار خدا رکھے تے بیمار محمّد دا
Azar Khuda Deeve Te Azar Muhammadؐ Da
Beemar Khuda Rakhe Te Beemar Muhammad Da
ایماں وچ نہیں جان تے ایمان اوہ کاہدا
انسا ن اوہ کیہہ جس نوں نہیں پیار محمّؐد دا
Emaan Vich Nahi Jaan Te Emaan Oh Kaahda
Insaan Oh Keeh Jis Noon Nahi Pyaar Muhammadؐ Da
زاہد تری جنّت دا طلب گار نہیں میں
کافی اے گنہگاراں نوں دربار محمّد دا
Zaahid Teri Jannat Da Talabgaar Nahi Main
Kaafi Ae Gunahgaraan Noon Darbaar Muhammad Da
دل صدقے کراں جان نوں قدماں اتوں واراں
اک وار کدی ہووے جے دیدار محمّد دا
Dil Sadiqe Karaan Jaan Noon Qadmaan Utton Varaan
Ik Vaar Kadi Hove Je Deedaar Muhammad Da
دن تڑفدیاں گزرے تے راتیں نیند نہ آوے
دل ہویا اے جِس دن توں گرفتار محمؐد دا
Din Tadfadyaan Guzare Te Raatan Neend Na Aave
Dil Hoia Ae Jis Din Toon Giriftaar Muhammadؐ Da
کیوں اپنے مقدّر نوں بُرا آکھاں میں اعظؔم
مَیں جو بھی ہاں پَر ہاں تے گنہگار محمّد دا
Kyon Apne Muqaddar Noon Bura Aakhaan Main Aazm
Main Jo Bhi Haan Par Haan Te Gunahgaar Muhammad Da
Share This Naat
Share with friends and family
آزار خدا دیوے تے آزار محمّدؐ دا
محمد اعظم چشتی