محبوب خدا دا، دو جگ تے میں راج نہ آکھاں تے کی آکھاں
دو جگ نوں کملی والے دا محتاج نہ آکھاں تے کی آکھاں
Mehboob-e-Khuda da, do jag te main raj na aakhan te ki aakhan
Do jag nu kamli walay da mohtaaj na aakhan te ki aakhan
بے یاراں تے لاچاراں دی بدکاراں او گنہاراں دی
میں ہتھ سرکار عالم دے جے لاج نہ آکھاں تے کی آکھاں
Be yaraan te laacharaan di badkaaraan o gunhaharaan di
Main hath Sarkar-e-Alam de je laaj na aakhan te ki aakhan
محبوب دی مرضی تے ہوئی وچ حشر دے بخشش امت دی
اوہدے سر تے خاص شفاعت دا میں تاج نہ آکھاں تے کی آکھاں
Mehboob di marzi te hoi vich hashar de bakhshish ummat di
Ohde sar te khaas shafaat da main taaj na aakhan te ki aakhan
سوہنے دی نظر گزارن نوں، میں اپنے لیکھ سنوارن نوں
اس نعت نوں حسن عقیدت دا جے خراج نہ آکھاں تے کی آکھاں
Sohnay di nazar guzaran nu, main apne lekh sawaran nu
Is naat nu husn-e-aqeedat da je khiraaj na aakhan te ki aakhan
میرے لئی بہانہ بخشش دا ایہ مدح سرائی ہے نیازی
میں اس نوں اپنی قسمت دا معراج نہ آکھاں تے کی آکھاں
Mere laee bahana-e-bakhshish da ay madah sarai hai Niazi
Main is nu apni qismat da miraaj na aakhan te ki aakhan
Share This Naat
Share with friends and family
محبوب خدا دا، دو جگ تے میں راج نہ آکھاں تے کی آکھاں
عبدالستار نیازی