آپ ہیں جانِ ارض و سما
شانِ خُلقِ خدا آپ ہیں
Aap hain jaan-e-arz-o-samaa
Shaan-e-khulq-e-Khuda aap hain
زندگی کی بہار آپ سے
حُسن ہر دور کا آپ ہیں
Zindagi ki bahaar aap se
Husn har dor ka aap hain
سر سے پا تک محمدؐ ہیں آپ
اور محمودؐ و احمدؐ ہیں آپ
Sar se paa tak Muhammad (S.A.W) hain aap
Aur Mahmood (S.A.W) o Ahmed (S.A.W) hain aap
افتخارِ اب وجد ہیں آپ،
خاتم الانبیا آ پ ہیں
Iftikhar-e-ab-wo-jadd hain aap,
Khatam-ul-anbiya aap hain
شاہِ دنیا و عقبیٰ حضورؐ
جاں نواز و دل آرا حضورؐ
Shah-e-duniya wo uqba Huzoor (S.A.W)
Jaan nawaaz wo dil aara Huzoor (S.A.W)
خوش لقا ، خوش ادا، خوش نوا
مجتبیٰؐ ، مصطفاؐ آپ ہیں
Khush laqa, khush ada, khush nawa
Mujtaba (S.A.W), Mustafa (S.A.W) aap hain
آپ ہیں شاہِ والا نسب،
خیرِ خَلق اور محبوبِ رب
Aap hain shah-e-waala nasab,
Khair-e-Khalq aur mahboob-e-Rabb
آپ ہیں روحِ صدق و صفا،
آبروئے وفا آپ ہیں
Aap hain rooh-e-sidq o safa,
Abroo-e-wafa aap hain
آپ جیسا کوئی دوسرا
آسکا ہے نہ اب آئے گا
Aap jaisa koi doosra
Aasaka hai na ab aayega
آپ تاحشر ہیں رہنما ،
آفتابِ ہدیٰ آپ ہیں
Aap ta-hashr hain rehnuma,
Aftab-e-huda aap hain
کیوں نہ گُن آپ کے گائیں ہم ،
آپ سے جب سکوں پائیں ہم
Kyun na gun aap ke gaayen hum,
Aap se jab sukoon paayen hum
کیوں گناہوں پہ گھبرائیں ہم
جب شفیع الورا آپ ہیں
Kyun gunahon pe ghabraayen hum
Jab shafi-ul-wara aap hain
نطق ہے عالمِ رنگ و بو،
خُلق قرآن ہے ہوبہو
Nutq hai aalam-e-rang o bu,
Khulq Quran hai ho baho
آپ تائب کی ہیں آبرو
بے نوا کی نوا آپ ہیں
Aap taib ki hain abroo
Be-nawa ki nawa aap hain
Share This Naat
Share with friends and family
آپ ہیں جانِ ارض و سما
حفیظ تائب