اپنی وسعت دیکھ کر ، اپنی رعایت دیکھ کر
ہنس پڑی رحمت مرے دامن کی حالت دیکھ کر
Apni wasat dekh kar, apni riayat dekh kar
Hans pari rehmat mere daman ki haalat dekh kar
آپؐ سے صرف آپ کو چاہا، نہ چاہا اور کچھ
مانگتا ہے ہر کوئی اپنی ضرورت دیکھ کر
Aap ﷺ se sirf aap ko chaha, na chaha aur kuch
Mangta hai har koi apni zarurat dekh kar
زندگی ہے وقف ِ توصیفِ پیمبرؐ آج بھی
آج بھی زندہ ہوں میں دل کو سلامت دیکھ کر
Zindagi hai wafq-e-tauseef-e-Paighambar ﷺ aaj bhi
Aaj bhi zinda hoon main dil ko salamat dekh kar
اصل میں اُنؐ کی حقیقت کو نہ میں سمجھا نہ تُو
تبصرے کرنے لگے بس اُنؐ کی صورت دیکھ کر
Asal mein un ﷺ ki haqeeqat ko na main samjha na tu
Tabsaray karne lage bas un ﷺ ki soorat dekh kar
ہر قدم پر چاہیے لَا تَر فَعُوا پیش نظر
بات کر اُنؐ کا مقام اور اُنؐ کی عظمت دیکھ کر
Har qadam par chahiye LAA Tarfauu paish e nazar
Baat kar un ﷺ ka maqam aur un ﷺ ki azmat dekh kar
نعت ہے اعظؔم اسے بھی ترک کر سکتا نہیں
اور گھبراتا بھی ہوں اپنی بضاعت دیکھ کر
Naat hai A'zam ise bhi tark kar sakta nahi
Aur ghabrata bhi hoon apni baza'at dekh kar
Share This Naat
Share with friends and family
اپنی وسعت دیکھ کر ، اپنی رعایت دیکھ کر
محمد اعظم چشتی