وَقت سَحری کا ہو گیا جاگو
نور ہر سَمت چھا گیا جاگو
waqt sahri ka ho gaya jago
noor har samat chha gaya jago
اٹھو سَحری کی کر لو تیّاری
روزہ رکھنا ہے آج کا جاگو
utho sahri ki kar lo taiyari
roza rakhna hai aaj ka jago
ماہِ رَمَضاں کے فرض ہیں
روزے ایک بھی تم نہ چھوڑنا جاگو
mah-e-ramzan ke farz hain
roze aik bhi tum na chhodna jago
اٹّھو اٹّھو وُضو بھی کر لو اور
تم تہجُّد کرو ادا جاگو
uthho uthho wuzu bhi kar lo aur
tum tahajjud karo ada jago
چُسکیاں گَرم چائے کی بھر لو
کھا لو ہلکی سی کچھ غذا جاگو
chuskiyan garm chai ki bhar lo
kha lo halki si kuch ghiza jago
ہوگی مقبول فضلِ مولیٰ سے
کھا کے سَحری کرو دُعا جاگو
hogi maqbool fazl-e-maula se
kha ke sahri karo dua jago
ماہِ رَمضاں کی بَرکتیں لُوٹو
لُوٹ لو رَحمتِ خدا جاگو
mah-e-ramzan ki barkatain looto
loot lo rehmat-e-khuda jago
کھا کے سَحری اُٹھو ادا کر لو
سنّتِ شاہِ انبیا جاگو
kha ke sahri uthho ada kar lo
sunnat-e-shah-e-anbiya jago
تم کو مولیٰ مدینہ دِکھلائے
اور حج بھی کرو ادا جاگو
tum ko maula madina dikhlaye
aur hajj bhi karo ada jago
تم کو رَمضاں کے صدقے مولیٰ دے
اُلفت و عشقِ مصطَفٰے جاگو
tum ko ramzan ke sadqe maula de
ulfat o ishq-e-mustafa jago
تم کو رَمضان کا مدینے میں
دے شَرَف ربِّ مصطَفٰے جاگو
tum ko ramzan ka madine mein
de sharaf rab-e-mustafa jago
کیسی پیاری فَضا ہے رَمضاں کی
دیکھ لو کر کے آنکھ وا جاگو
kaisi pyari faza hai ramzan ki
dekh lo kar ke aankh wa jago
رحمتوں کی جَھڑی برستی ہے
جلد اٹھ کر کے لو نَہا جاگو
rehmaton ki jhadi barasti hai
jald uth kar ke lo naha jago
تم کو دیدارِ مصطَفٰے ہو جائے
ہے یہ عطّاؔر کی دُعا جاگو
tum ko deedaar-e-mustafa ho jaye
hai ye attar ki dua jago
Share This Naat
Share with friends and family
وَقت سَحری کا ہو گیا جاگو
الیاس عطار قادری