جب تلک یہ چاند تارے جِھلمِلاتے جائیں گے
تب تلک جشنِ ولادت ہم مناتے جائیں گے
Jab talak yeh chand tare jhilmilate jaain ge
Tab talak jashn-e-wiladat hum manate jaain ge
اُن کے عاشِق نور کی شَمعیں جلاتے جائیں گے
جبکہ حاسِد دل جلاتے سٹپٹاتے جائیں گے
Un ke aashiq noor ki shamaein jalate jaain ge
Jabke haasid dil jalate satpatate jaain ge
نعتِ محبوبِ خدا سنتے سناتے جائیں گے
یارسولَ اللہ کا نعرہ لگاتے جائیں گے
Naat-e-mehboob-e-Khuda sunte sunate jaain ge
Ya Rasool Allah ka nara lagate jaain ge
حشر تک جشنِ ولادت ہم مناتے جائیں گے
مرحبا کی دھوم یارو! ہم مچاتے جائیں گے
Hashr tak jashn-e-wiladat hum manate jaain ge
Marhaba ki dhoom yaro! hum machate jaain ge
چارجانب ہم دِیے گھی کے جلاتے جائیں گے
گھر تو گھر سارے،مَحَلّے کو سجاتے جائیں گے
Charon janib hum diye ghee ke jalate jaain ge
Ghar to ghar sare, mahallay ko sajate jaain ge
ہم مہِ مِیلاد میں لہرائیں گے جھنڈے ہرے
ساری گلیاں روشنی سے جگمگاتے جائیں گے
Hum mahe milad mein lehrain ge jhande hare
Sari galiyan roshni se jagmagate jaain ge
عیدِ میلادُ النَّبی کی شب چَرَاغاں کر کے ہم
قبر نورِمصطَفٰے سے جگمگاتے جائیں گے
Eid-e-milad-un-Nabi ki shab charaghan kar ke hum
Qabr noor-e-Mustafa se jagmagate jaain ge
ہم جُلوسِ جشنِ میلادُ النَّبی میں جھوم کر
راستے بھر نعت بس سنتے سناتے جائیں گے
Hum jaloos-e-jashn-e-milad-un-Nabi mein jhoom kar
Raste bhar naat bas sunte sunate jaain ge
لاکھ شیطاں ہم کو روکے فضلِ رب سے تا ابد
جشن، آقا کی ولادت کا مناتے جائیں گے
Laakh shetan hum ko roke fazl-e-rab se taa abad
Jashn, aaqa ki wiladat ka manate jaain ge
جھوم کر سارے کہو، آقا کی آمد مرحبا
حشر میں بھی ہم یِہی نعرہ لگاتے جائیں گے
Jhoom kar sare kaho, aaqa ki amad marhaba
Hashr mein bhi hum yahi nara lagate jaain ge
یارسولَ اللہ کا نعرہ لگاؤ زور سے
اُن کے دشمن منہ پھُلاتے بُڑبُڑاتے جائیں گے
Ya Rasool Allah ka nara lagaao zor se
Un ke dushman munh phulate burburate jaain ge
تم کرو جشنِ ولادت کی خوشی میں روشنی
وہ تمہاری گورِ تِیرہ جگمگاتے جائیں گے
Tum karo jashn-e-wiladat ki khushi mein roshni
Woh tumhari gor-e-teerah jagmagate jaain ge
دو جہاں کے شاہ کی شاہی سُواری آگئی
رَحمتوں کے وہ خزانے اب لٹاتے جائیں گے
Do jahan ke Shah ki shahi sawari aagai
Rehmaton ke woh khazane ab lutate jaain ge
آرہے ہیں شافِعِ محشر اُٹھو اے عاصِیو!
ہم گنہگاروں کو حق سے بخشواتے جائیں گے
Aa rahe hain Shafi-e-Mahshar uthwo ae aasiyo!
Hum gunahgaaron ko Haq se bakhshwate jaain ge
ہوگئی صبحِ بہاراں کیف آورہے سَماں
خوش نصیبوں کو وہ اب جلوہ دکھاتے جائیں گے
Hogi subh-e-baharan kaif awr hai sama
Khush naseebon ko woh ab jalwa dikhate jaain ge
صبحِ صادِق ہوگئی سب آمِنہ کے گھر چلیں
نور کی برسات ہوگی ہم نہاتے جائیں گے
Subh-e-sadiq hogai sab Aaminah ke ghar chalein
Noor ki barsaat hogi hum nahate jaain ge
ذکرِ میلادِ مبارَک کیسے چھوڑیں ہم بھلا
جن کا کھاتے ہیں اُنہیں کے گیت گاتے جائیں گے
Zikr-e-milad-e-mubarak kaise chhodein hum bhala
Jin ka khate hain unhein ke geet gaate jaain ge
مُنْعَقِد کرتے رہیں گے اجتماعِ ذکرونعت
دھوم اُن کی نعت خوانی کی مچاتے جائیں گے
Mun'aqid karte raheinge ijtima-e-zikro naat
Dhoom un ki naat khwani ki machate jaain ge
کرلو نیَّت خوب کوشِش کرکے ہم اپنا عمل
مَدنی انعامات پر ہردم بڑھاتے جائیں گے
Kar lo niyat khoob koshish karke hum apna amal
Madni inaamat par hardam barhate jaain ge
کرلو نیّت سنّتوں کی تربیَت کے واسِطے
قافِلوں میں ہم سفر کرتے کراتے جائیں گے
Kar lo niyat sunnaton ki tarbiyat ke wastay
Qafilon mein hum safar karte karate jaain ge
خوب برسیں گی جنازے پر خُدا کی رحمتیں
قبر تک سرکار کی نعتیں سناتے جائیں گے
Khoob barseingi janaze par Khuda ki rehmatain
Qabr tak Sarkar ki naatien sunate jaain ge
حَشْر میں زیرِلِوائے حمد اے عطاؔر ہم
نعتِ سلطانِ مدینہ گُنگُناتے جائیں گے
Hashr mein zair-e-liwa-e-hamd ae Attar hum
Naat-e-Sultan-e-Madina gungunate jaain ge
Share This Naat
Share with friends and family
جب تلک یہ چاند تارے جِھلمِلاتے جائیں گے
الیاس عطار قادری