جو کردار و عمل سے عاشقِ خیر البشر ہوں گے
انھیں کے دونوں عالم میں مقدر اوج پر ہوں گے
Jo kirdar o amal se aashiq-e-khairul bashar honge
Inhein ke dono aalam mein muqaddar ooj par honge
ہدایت کی تجلی لے کے آئے رہبر عالم
شبِ غم کے ستائے واقفِ لطفِ سحر ہوں گے
Hidayat ki tajalli le ke aaye rehbar-e-aalam
Shab-e-gham ke sataaye waqif-e-lutf-e-sehar honge
شہِ کونین کے جشنِ ولادت کی گھڑی آئی
گلی کوچے منور ہوں گے، روشن بام و در ہوں گے
Shah-e-konain ke jashn-e-wiladat ki ghari aayi
Gali kooche munawwar honge, roshan baam o dar honge
بتایا ہے عمل سے ہم کو اصحابِ پیمبر نے
رہِ حق پر چلیں گے جو وہی بس راہبر ہوں گے
Bataya hai amal se hum ko asaahab-e-paighambar ne
Rah-e-haq par chalenge jo wohi bas rahbar honge
اگر یوں ہی رہے ہم سنتِ سرکار سے غافل
زمانے بھر میں ہر جانب مسلسل دربدر ہوں گے
Agar yoon hi rahe hum sunnat-e-sarkar se ghaafil
Zamane bhar mein har janib musalsal darbadar honge
مچل جائے گی محشر میں خوشی سے امتِ عاصی
شفاعت کا لیے مژدہ نبیؐ جب جلوہ گر ہوں گے
Machal jaaye gi mahshar mein khushi se ummat-e-aasi
Shafaat ka liye mujda Nabiﷺ jab jalwa gar honge
جہاں ہوں گے سجائیں گے نبیؐ کے ذکر کی محفل
نبیؐ کے چاہنے والے بھلے ہی مختصر ہوں گے
Jahan honge sajaenge Nabiﷺ ke zikr ki mehfil
Nabiﷺ ke chahne wale bhale hi mukhtasir honge
بڑھا کر آپ نے صدیقِ اکبر کو مصلّے پر
اشارہ دے دیا، امت کے اب یہ راہبر ہوں گے
Barha kar aap ne Siddiq-e-akbar ko to musalle par
Ishara de diya, ummat ke ab ye rahbar honge
عمر ایمان لے آئے بڑھی اسلام کی قوت
ٹھکانے پر یقیناً اب مزاجِ کفر و شر ہوں گے
Umar imaan le aaye, barhi Islam ki quwat
Thikane par yaqeenan ab mizaj-e-kufr o shar honge
ہوئے عثمان بن عفان بھی اسلام میں داخل
نچھاور دین پر اب اس غنی کے مال و زر ہوں گے
Huwe Usman bin Afan bhi Islam mein dakhal
Nichhawar deen par ab iss ghani ke maal o zar honge
ابوبکر و عمر کے تھے محبّ حیدر تو پھر کیسے
غلامانِ علی اعدائے بوبکر و عمر ہوں گے
Abu Bakr o Umar ke the mhub-e-Haider to phir kaise
Ghulaman-e-Ali adaye Abu Bakr o Umar honge
سند ہے عائشہ کی پاک دامانی کی قرآن میں
جو ہوں گے اس کے منکر واصلِ نارِ سقر ہوں گے
Sanad hai Aisha ki paak damani ki Qur'an mein
Jo honge us ke munkir wasil-e-naar-e-Saqr honge
چراغِ حُبِ سرور سے ہیں روشن جن کے دل احسؔن
وہی تنویرِ فیضِ مصطفیٰؐ سے بہرہ ور ہوں گے
Charagh-e-hubb-e-Sarwar se hain roshan jin ke dil Ahsan
Wohi tanveer-e-faiz-e-Mustafaﷺ se beherawar honge
Share This Naat
Share with friends and family
جو کردار و عمل سے عاشقِ خیر البشر ہوں گے
احسن اعظمی