ہے جس کی ساری گفتگو وَحیِ خدا یہ ہی تو ہیں
حق جس کے چہرے سے عیاں وہ حق نما یہی تو ہیں
hai jis ki saari guftagu wahy-e khuda ye hi to hain
haq jis ke chehre se ayaan wo haq numa yehi to hain
سورج میں جن کی ہے چمک جن کا اُجالا چاند میں
پھولوں میں جن کی ہے مہک وہ مہ لقا یہی تو ہیں
suraj main jin ki hai chamak jin ka ujala chaand mein
phoolon mein jin ki hai mehak woh mehlqa yehi to hain
سارا جہان چھوڑ دے جس مجرمِ دِید کار کو
دامن میں ان کے وہ چھپے مشکلکشا یہی تو ہیں
saara jahan chor de jis mujrim-e-deed kaar ko
daaman mein un ke woh chhupe mushkil kasha yehi to hain
ہر لب پہ جن کا ذِکر ہے ہر دل میں جنکی فکر ہے
گاتے ہیں جن کے گیت سب صبح و مَسایہی تو ہیں
har lab pe jin ka zikr hai har dil mein jinki fikr hai
gaate hain jin ke geet sab subh-o-masa yehi to hain
چرچا ہے جن کا چار سو ہر ُگل میں جن کا رنگ و بو
ہیں حسن کی جو آبرو وہ دِل رُبا یہی تو ہیں
charcha hai jin ka chaar su har gul main jin ka rang-o-bo
hain husn ki jo aabru woh dilruba yehi to hain
باغِ رسالت کی ہیں جڑ اور ہیں بہارِ آخری
مبدا جو اس گلشن کے تھے وہ منتہی یہی تو ہیں
baagh-e-risalut ki hain jad aur hain bahar-e-aakhri
mabda jo is gulshan ke the woh muntahi yehi to hain
یہ ہیں حبیبِ کبریا یہ ہیں محمد مصطفیٰ
دو جگ کو جن کی ذات کا ہے آسرا یہی تو ہیں
ye hain habeeb-e-kibriya ye hain Muhammad Mustafa
do jug ko jin ki zaat ka hai aasra yehi to hain
جس کی نہ لے کوئی خبر ہوں بند جس پر سارے دَر
اس کی یہ رکھتے ہیں خبر اس کی پنا یہی تو ہیں
jis ki na le koi khabar hoon band jis pe saare dar
is ki ye rakhte hain khabar is ki pana yehi to hain
ان کا مبارک نام بھی بے چین دل کا چین ہے
جو ہو مریضِ لادَوا اس کی دَوا یہی تو ہیں
un ka mubarak naam bhi bechain dil ka chain hai
jo ho mareez-e-la dwa us ki dawa yehi to hain
گن گائیں جن کے انبیا مانگیں رُسل جن کی دعا
وہ دو جہاں کے مُدَّعٰی صَلِّ علٰی یہی تو ہیں
gan gaen jin ke anbiya maangein Rasul jin ki dua
woh do jahan ke Mudd'a salli 'ala yehi to hain
سجدہ شجر جنہیں کریں پتھر گواہی جن کی دیں
دکھ درد اُونٹ بھی کہیں حاجت روا یہی تو ہیں
sajda shajar jinhein karein pathar gawahi jin ki den
dukh dard oont bhi kahe haajat rava yehi to hain
ہے فرش کا جو بادشا ہے عرش جس کے زیر پا
سالکؔ ملا جس سے خدا وہ باخدا یہی تو ہیں
hai farsh ka jo badsha hai arsh jis ke zair pa
Saalik mila jis se khuda woh ba khuda yehi to hain
Share This Naat
Share with friends and family
ہے جس کی ساری گفتگو وَحیِ خدا یہ ہی تو ہیں
مفتی احمد یار نعیمی