حُضور! آپ کا رُتبہ نہ پاسکا کوئی
نبیؑ تو ہیں، نہیں محبوب آپ سا کوئی
Huzoor! Aap ka rutba na paa saka koi
Nabi to hain, nahin mehboob aap sa koi
مدد کو پہنچو! کہ راہوں میں کھو گیا کوئی
تُمہیں پُکار رہا ہے شکستہ پا کوئی
Madad ko pohoncho! ke raahon mein kho gaya koi
Tumhein pukar raha hai shikasta paa koi
مدینے آکے نہ ارمان رہ گیا کوئی
نہ آرزو ہے، نہ حسرت، نہ مدّعا کوئی
Madinay aake na arman reh gaya koi
Na aarzu hai, na hasrat, na mad-da koi
مثالِ ابرِ بہاراں برس گیا سب پر
تمہارے فیض و کرم کی ہے انتہا کوئی؟
Misaal-e abr-e baharan baras gaya sab par
Tumhare faiz o karam ki hai inteha koi?
حُروف، عجز کا اقرار کرنے لگتے ہیں
لکھے گا نعتِ رسولِؐ انام ، کیا کوئی
Huroof, ajz ka iqrar karne lagte hain
Likhe ga naat-e Rasool-e anam, kya koi
رہِ نبیؐ میں بس اک مَیں ہُوں اور اُن کا جمال
نہ ہمنفس، نہ مصاحب، نہ آشنا کوئی
Rahay Nabi mein bus ek main hoon aur unn ka jamal
Na humnfas, na musahib, na ashna koi
شفیِعؐ حشر ہیں، اُمّت کو بخشوا لیں گے
نہ ہوگا آگ کا ایندھن بُرا، بھَلا کوئی
Shafee-e hash’r hain, ummat ko bakhshwa lenge
Na hoga aag ka indhan bura, bhala koi
یہ کہہ کے رُک گئے سدرہ پہ جبرئیل ؑ امیں
نہیں عروجِ محمدؐ کی انتہا کوئی
Ye keh ke ruk gaye Sidra pe Jibreel ameen
Nahin urooj-e Muhammad ki inteha koi
اُنہوں نے اپنوں پرایوں کی جھولیاں بھردیں
کرم سے اُن کے نہ محروم رہ گیا کوئی
Unhonne apnon parayon ki jholiyan bhar diin
Karam se unn ke na mahrum reh gaya koi
چلی ہے زلفِ رسولِؐ انام کو چھُو کر
پہنچ سکے ترے رُتبے کو، کب صبا! کوئی
Chali hai zulf-e Rasool-e anam ko choo kar
Pohanch sake teray rutbe ko, kab saba! koi
وہ ذاتِ پاک ہے اپنی صفات میں یکتا
نہ اُن سا اب کوئی ہوگا، نہ ہے، نہ تھا کوئی
Woh zaat-e pak hai apni sifat mein yakta
Na un sa ab koi hoga, na hai, na tha koi
کرم کی بھیک مِلے اِس کو یا رسولَؐ اللہ!
نہیں نصیرؔ کا اب اور آسرا کوئی
Karam ki bheek mile is ko ya Rasool Allah!
Nahin Naseer ka ab aur aasra koi
Share This Naat
Share with friends and family
حُضور! آپ کا رُتبہ نہ پاسکا کوئی
سید نصیرالدیں نصیر