مرتبہ مجھ کو فنا فی العشق کا درکار ہے
اپنے آئینے میں عکسِ مُصطفےٰ درکار ہے
mrtba mjh ko fna fi al-ishq ka darkar hai
apne aine mein aks-i Mustafa darkar hai
جیسا وہ فیّاض ویسی تہی دامانی مِری
مجھ بھکاری کو شہِ اَرض و سَما درکار ہے
jaisa woh Fayaz waisi tihi damani meri
mujh bhikari ko shah-i arz o sama darkar hai
لَوٹ جا عہدِ نبی کی سمت رفتارِ جہاں
پھر مِری پسماندگی کو اِرتقا درکار ہے
laut ja ahad-i nabi ki smt raftar-i jhan
phir meri pasmandagi ko irtqa darkar hai
میں نے اپنی جستجو میں کِتنی صدیاں کاٹ دیں
میرے مولا مُجھ کو اپنا ہی پتہ درکار ہے
mein ne apni jstju mein kitni sadiyan kat dein
mere Maula muj ko apna hi pta darkar hai
قیمتی پوشاک میں بھی ہے برہنہ زندگی
روشنی کو تیرے سائے کی قبا درکار ہے
qeemti poshak mein bhi hai barhana zindagi
roshni ko tere saaye ki qaba darkar hai
صرف تجھ پر خرچ کرنا چاہتا ہُوں زندگی
ایک شب میں عمر بھر کا رت جگا درکار ہے
sirf tujh par kharch karna chahta hon zindagi
ek shab mein umr bhar ka rat jga darkar hai
لے بھی لے اب اپنی رحمت کی پناہوں میں اسے
اُمّتِ بیمار کو دارالشّفا درکار ہے
le bhi le ab apni rehmat ki panahon mein isey
Ummat-i bimar ko dar ul-shifa darkar hai
زینۂ خُوشنودیِ حق ہیں تِرے نقشِ قدم
پہلے وہ تیرا بنے جس کو خُدا درکار ہے
zeena-i khushnudi-i haq hain tere naqsh-i qadam
pehle woh tera bane jis ko khuda darkar hai
ایک پل بھی ہو بہت تجھ تک پہنچنے کے لیے
طے نہ جو کرنا پڑے وہ راستہ درکار ہے
ek pal bhi ho bohot tujh tak pohanchne ke liye
te na jo karna pare woh rasta darkar hai
مبتلائے حبسِ دُوری ہے مظفر وارثی
شاہِ بطحا اس کو بطحا کی ہوا درکار ہے
mobtala-i habs-i duri hai Muzaffar Warsi
Shah-i Batha aur isko Batha ki hawa darkar hai
Share This Naat
Share with friends and family
مرتبہ مجھ کو فنا فی العشق کا درکار ہے
مظفر وارثی