رب سچّے ملّت بیضا دا اِنج مان ودھایا اَج راتیں
قرآن جیہا کامل مصحف نازل فرمایا اَج راتیں
Rab sache millet bayza da inj maan vadhaya aj raatein
Quran jeiha kamil mus'haf naazil farmaya aj raatein
جبرئیل فرشتیاں نوں لے کے دُنیا تے اُترے ہوئے نیں
محبُوب دی اُمّت تے رب نے وکھ کرم کمایا اَج راتیں
Jibreel farishtiyan nu lai ke duniya te ut're hoye ne
Mahboob di ummat te Rab ne vakh karam kamaya aj raatein
فرمایا ابوہریرہ نے اس رات عبادت جس کیتی
اُس اپنے پشلے عصیاں نوں رب توں بخشایا اَج راتیں
Faramaya Abu Huraira ne is raat ibadat jis keeti
Us apne pishle isyaan nu Rab ton bakhshaya aj raatein
اس رات دی عظمت برکت نوں ایہہ ظا ہری اکّھاں کیہ جانن
اللہ نے ساری دھرتی تے اک نُور کھنڈایا اَج راتیں
Is raat di azmat barkat nu eh zahri akkhan ke jaanan
Allah ne saari dharti te ik noor khandaya aj raatein
ایہہ رات ہزاراں راتاں توں افضل ہے اس وچ شک نا ہیں
جس قُربت لوڑی خالق دی اُس بخت جگایا اَج راتیں
Eh raat hazaraan raataan ton afzal hai is vich shak na hain
Jis qur'bat lauri Khaliq di us bakht jagaya aj raatein
Share This Naat
Share with friends and family
رب سچّے ملّت بیضا دا اِنج مان ودھایا اَج راتیں
حفیظ تائب