نیویں اے اسمان دی گردن وی جس دے احسانوں
جِن انسان فرشتے اوہدے نوکر دِلوں بجانوں
Niwein ae asman di gardan vi jis de ehsano
Jin insaan farishte ohde naukar dilon bajano
لفظ نہ کوئی جس دے اندر اوہدا اَدب سمادے
ڈردا ڈردا جَھکدا جَکھدا کڈھاں بول زبانوں
Lafz na koi jis de andar ohda adab samade
Darda darda jhukda jakhda kadhaan bol zubano
جد اوہ شکل خیالاں دے وِچ آوے دِن چڑھ جاوے
پے پے جاوے شام جدوں وی اُکے شام دھیانوں
Jad oh shakal khyaalan de vich aave din charh jaave
Pe pe jaave shaam jadon vi ukke shaam dhyaano
ویکھیے کدوں جواب آؤندا اے اوہناں دا اُس دیسوں
رُقعے جہڑے لِکھ لِکھ ٹورے نیں مَیں پاکِستانوں
Vekhiye kadon jawab aonda ae ohna da us deso
Ruqe jehre likh likh toore ne main Pakistanon
جہناں اوہنوں صاحب جاتا ربّ نَکلے اوہ خارج ایمانوں
جہیڑے اوہدی حَدّوں نکلے اوہ خارج ایمانوں
Jihna ohno saahib jaata Rabb nakle oh kharij imano
Jehre ohdi haddon nakle oh kharij imano
جیہڑے اوہدے در تے اپڑے اوہناں منصب پائے
جنہاں اُس توں مُکھ بھوائے رَدّے گئے جہانوں
Jehre ohde dar te apde ohna mansab paaye
Jinhaan us ton mukh bhowaye radde gaye jhano
بنی سہارا جگ دیاں ماڑیاں تے مظلوُماں کا رن
جَدوں کدی وی نَکلی تائبؔ اوہدی تیغ میانوں
Bani sahara jag diyaan maariyaan te mazloomaan ka ran
Jadon kadi vi nakli Taib ohdi tegh miano
Share This Naat
Share with friends and family
نیویں اے اسمان دی گردن وی جس دے احسانوں
حفیظ تائب