دل میں اگر بسی ہے محبت رسول کی
پھر ڈھونڈ لے گی ہم کو شفاعت رسول کی
Dil mein agar basi hai mohabbat Rasool ki
Phir dhoond le gi hum ko shafa'at Rasool ki
ثانی نہیں ہے کوئی کہیں بھی رسول کا
ظاہر اسی سے ہو گئی عظمت رسول کی
Sani nahi hai koi kahin bhi Rasool ka
Zahir isi se ho gayi azmat Rasool ki
دیکھا جو مصطفےٰ کو تو جبریل بول اُٹھے
سب صورتوں میں خوب ہے صورت رسول کی
Dekha jo Mustafa ko to Jibreel bol uthay
Sab suraton mein khoob hai surat Rasool ki
پوشیدہ ہر ادا میں ہیں اسلام کے رموز
دیکھو اُٹھا کے خلوت و جلوت رسول کی
Posheedah har ada mein hain Islam ke ramooz
Dekho utha ke khalwat o jalwat Rasool ki
قائل نہیں ہیں مدحتِ اہلِ دول کے ہم
مثلِِ رضاؔ عزیز ہے مدحت رسول کی
Qail nahi hain mad'hat-e-ahl-e-dol ke hum
Misl-e-Raza aziz hai mad'hat Rasool ki
جنت ہماری کیوں نہ ہو سیدھی سی بات ہے
ہم لوگ ہیں رسول کے جنت رسول کی
Jannat hamari kyun na ho seedhi si baat hai
Hum log hain Rasool ke jannat Rasool ki
چہرے پہ جیسے نور برسنے لگا شفیقؔ
جب سے سجی ہے چہرے پہ سنت رسول کی
Chehre pe jaise noor barasne laga Shafiq
Jab se saji hai chehre pe sunnat Rasool ki
Share This Naat
Share with friends and family
دل میں اگر بسی ہے محبت رسول کی
شفیق ؔ رائے پوری