وہ دن بھی تھے کہ سرابوں کا نام

وہ دن بھی تھے کہ سرابوں کا نام ساحل تھا نہ کائنات کی آنکھیں نہ وقت کا دل تھا

Woh din bhi the ke sarabon ka naam saahil tha Na kainat ki aankhein na waqt ka dil tha

بدی کا غلغلہ تھا ظلم پر جوانی تھی درندگی و جہالت کی حکمرانی تھی

Badi ka ghalghala tha zulm par jawani thi Darindagi o jahalat ki hukmarani thi

گمان و وہم کا نام اعتبار رکھا تھا خدا کو مورتیوں میں اتار رکھا تھا

Gumaan o wahm ka naam aitbaar rakha tha Khuda ko mooratiyon mein utaar rakha tha

کوئی نظارہء دلکش نہ تھا نظر کے لیے ترس رہا تھا جہاں افضل البشر ؐ کے لیے

Koi nazara-e-dilkash na tha nazar ke liye Taras raha tha jahan afzal al bashar (ﷺ) ke liye

ورود خاور نو آمنہ کے گھر میں ہوا نبیؐ کا حسن بھی شامل ہر اک سحر میں ہوا

Wurood khawar no aamina ke ghar mein huwa Nabi (ﷺ) ka husn bhi shaamil har ek seher mein huwa

فرشتے آپؐ کو جھولا جھلانے آتے تھے درود پڑھتے ہزاروں زمانے آتے تھے

Farishtay aap (ﷺ) ko jhola jhulaane aate the Darood padhte hazaaron zamane aate the

پلٹ کے چاند اسی سمت سے فدا ہوتا جدھر اشارہء انگشت مصطفےؐ ہوتا

Pulat ke chaand usi simat se fida hota Jidhar ishaara-e-angusht Mustafa (ﷺ) hota

وہ بکریاں بھی بڑے ہی نصیب والی تھیں جو فیضیابِ حصارِ حضورؐ عالی تھیں

Woh bakriyaan bhi bade hi naseeb wali thin Jo faizeyaab-e-hisaar-e-Huzoor (ﷺ) aali thin

بڑے ہوئے تو کیا کاروبار کپڑے کا بنائے عقد بنا کاروبار کپڑے کا

Baday hue to kya kaarobaar kapray ka Banaaye aqad bana kaarobaar kapray ka

مرے حضورؐ پہ جب وحیِ اولیں اتری دلِ خدیجہ پہ بھی روشنیِ دیں اتری

Mere Huzoor (ﷺ) pe jab wahi-e-awaleen utri Dil-e-Khadija pe bhi roshni-e-deen utri

کیا علی نے بھی اقرار یار غار کے بعد قدم قدم پہ بہار آئی پھر بہار کے بعد

Kya Ali ne bhi iqraar yaar-e-ghaar ke baad Qadam qadam pe bahaar aayi phir bahaar ke baad

خدا کا نور جو فاران سے طلوع ہو ا تو ایک سلسلہ اسلام کا شروع ہوا

Khuda ka noor jo Faraan se taloo huwa To ek silsila Islam ka shuru huwa

احد حد کی صدا آئی جب زبانوں پر تو بجلیاں سی گریں کفر کے ٹھکانوں پر

Uhud had ki sada aayi jab zubanon par To bijliyaan si girin kufr ke thikaanon par

کمانِ ظلم سے بو جہل و بو لہب نکلے دعائیں ہاتھ میں لے کر شہ ِعرب نکلے

Kamaan-e-zulm se Bujahl o Bulaheb nikle Duaain haath mein le kar Shah-e-Arab nikle

ستم مگر ابوسفیان نے بھی کم نہ کئے بلال و زید نے سراپنے پھر بھی خم نہ کئے

Sitm magar Abu Sufyan ne bhi kam na kiye Bilaal o Zaid ne sar apne phir bhi kham na kiye

نبی نےظلم سہے ساتھیوں نے ظلم سہے مگر بہ حکم خدا صبر کی حدوں میں رہے

Nabi ne zulm sahe saathion ne zulm sahe Magar ba hukm-e-Khuda sabr ki hadon mein rahe

ہر اک مصیبت و تکلیف بے دریغ اٹھائی کسی سے ظلم کا بدلہ لیا نہ تیغ اٹھائی

Har ek museebat o takleef be dareegh uthai Kisi se zulm ka badla liya na tegh uthai

جنہیں شعور نے ایمان کی حرارت دی انھیں حضورؐ نے فردوس کی بشارت دی

Jinhain shaoor ne imaan ki hararat di Inhein Huzoor (ﷺ) ne firdous ki basharat di

کہا یہ آپ نے ، اک روز وہ بھی آئے گا تمہارے پاؤں تلے ہوں گے قیصر و کسریٰ

Kaha ye aap ne, ek roz woh bhi aayega Tumhare paaon tale hongay Qaiser o Kisra

قبائل آتے رہے اور دین پھلتا رہا چراغ مصطفویؐ آندھیوں میں جلتا رہا

Qabaile aate rahe aur deen phalta raha Chiragh-e-Mustafa (ﷺ) aandhiyon mein jalta raha

زباں پہ ، اپنے دلوں کی محبتیں لے کر وفود آئے مدینے کی دعوتیں لے کر

Zuban pe, apne dilon ki mohabbatein le kar Wufud aaye Madeene ki dawatain le kar

بنام شعب ابی طالب بھی ایک گھاٹی تھی خدا کے بندوں کی جس نے حیات چاٹی تھی

Benaam Shaab Abi Talib bhi ek ghaati thi Khuda ke bandon ki jisne hayaat chhaati thi

جب ان کی بات رسولؐ خدا نہیں مانے تو مل کے عہد کیا مشرکین مکہ نے

Jab unki baat Rasool (ﷺ) Khuda nahi maane To mil ke ahd kiya mushrikeen Makkah ne

نبی سے اور نبیؐ کے ہر اک صحابی سے کسی بھی قسم کا کوئی نہ واسطہ رکھے

Nabi se aur Nabi (ﷺ) ke har ek sahabi se Kisi bhi qisam ka koi na waasta rakhe

صحابیوں کے شکم سوکھ سوکھ جاتے تھے تو اپنی مشکوں کے چمڑے بھگو کے کھاتے تھے

Sahabiyon ke shakam sookh sookh jaate the To apni mashkon ke chamray bhiga ke khate the

عجیب ظلم و ستم کے محاصرے میں رہے کہ دو برس وہ معاشی مقاطعے میں رہے

Ajeeb zulm o sitam ke mahaasre mein rahe Ke do baras woh maashi maqata mein rahe

مصیبتوں کا انہوں نے پہاڑ کاٹ لیا تو اس معاہدے کو دیمکوں نے چاٹ لیا

Museebaton ka unhone pahaad kaat liya To is moahede ko deemkon ne chaat liya

بہ اذن سرور کونین، جعفر طیار گئے جو حبشہ تو پہنچا دیئے گئے دربار

Ba izn-e-Sarwar Kainaat, Jafar-e-Tayyar Gaye jo Habsha to phooncha diye gaye darbaar

نجاشی بولا بتاؤ تمہارا دین ہے کیا؟ کلام کیا ہے ، نبیؐ پر تمہارے جو اترا

Najaashi bola batao tumhara deen hai kya? Kalaam kya hai, Nabi (ﷺ) par tumhare jo utra

سنائی حضرت جعفر نے سورۃ مریم تو سن کے آنکھ نجاشی کی ہوگئی پر نم

Sunaai Hazrat Jafar ne Surah Maryam To sun ke aankh Najashi ki hogai parnam

کہا امن و سکوں ہے یہاں ، یہیں پہ رہو وفا کے گھر میں محبت کی سرزمیں پہ رہو

Kaha aman o sukoon hai yahan, yahin pe raho Wafa ke ghar mein mohabbat ki sarzameen pe raho

نجاشی جیسا بھی کم ہوگا خوش نصیب کوئی نماز اس کے جنازے کی مصطفےؐ نے پڑھائی

Najaashi jaisa bhi kam hoga khush naseeb koi Namaz uske janaaze ki Mustafa (ﷺ) ne padhai

مقام حجر پہ اک روز جمع تھے کفار اسی طرف نکل آئے تو گھر گئے سرکار

Maqam Hijr pe ek roz jama the kuffar Usi taraf nikal aaye to ghar gaye Sarkar

پکڑ لیا انہیں چادر سمیت دشمن نے اچھال دی مرے آقا، پہ ریت دشمن نے

Pakar liya unhein chadar sameet dushman ne Uchaal di mere Aaqa, pe rait dushman ne

لگائے زخم جو جسمِ نبیِؐ رحمت پر تو چیخ چیخ اٹھے بو بکر اس اذیت پر

Lagaye zakm jo jism-e-Nabi (ﷺ) Rahmat par To cheekh cheekh uthe Boo Bakr is azeet par

نبیؐ کے قتل کے منصوبے سینہ سینہ ہوئے تو حکمِ حق سے نبیؐ عازمِ مدینہ ہوئے

Nabi (ﷺ) ke qatl ke mansoobe seena seena hue To hukm-e-Haq se Nabi (ﷺ) aazme Madeena hue

نکل کے مکے سے جب شاہِ کائنات چلے عقب میں آپ کے دشمن بھی ساتھ ساتھ چلے

Nikal ke Makke se jab Shah-e-Kainaat chale Aqaba mein aap ke dushman bhi saath saath chale

پڑاؤ آپ نے جب غار ثور میں ڈالا تو منھ پہ غار کے مکڑی نے بن دیا جالا

Paraao aap ne jab Ghaar-e-Thaur mein daala To munh pe ghaar ke makhri ne ban diya jaala

ذرا جو خوف ابوبکر کو ہوا ضمنا بڑے سکوں سے کہا مصطفےؐ نے ، لا یحزن

Zara jo khauf Abu Bakr ko huwa zumna Bade sukoon se kaha Mustafa (ﷺ) ne, la yahzan

مدینہ پہنچے تو سب خیر مقدی آئے ہر اک زبان پہ تھا، چاند سے نبیؐ آئے

Madeena phoonche to sab khair maqdi aaye Har ek zuban pe tha, chaand se Nabi (ﷺ) aaye

مہاجروں سے وہ انصار نے سلوک کیا مثال لا نہ سکی جس کی آج تک دنیا

Muhajireen se woh Ansar ne salook kiya Misaal la na saki jis ki aaj tak duniya

دھڑکنے لگ گئے دہ دل ہر ایک سینے میں دکھائی دینے لگا مکہ بھی مدینے میں

Dhadakne lag gaye dah dil har ek seene mein Dikhaai dene laga Makkah bhi Madeene mein

زمین بانٹ لی آپس میں ، گھر بھی بانٹ لئے محبتوں کی طرح مال و زر بھی بانٹ لئے

Zameen baant li aapas mein, ghar bhi baant liye Mohabbaton ki tarah maal o zar bhi baant liye

سبھی رضائے خدا و نبیؐ کے تھے بھیدی کسی کے پاس تھیں دو بیویاں تو اک دے دی

Sabhi raza-e-Khuda o Nabi (ﷺ) ke the bhedi Kisi ke paas thin do biwiyaan to ek de di

تمام چہرے بنامِ رسولؐ کھلنے لگے سیاہیوں میں اجالوں کے پھول کھلنے لگے

Tamaam chehre banaam-e-Rasool (ﷺ) khilne lage Siaahiyaan mein ujaalon ke phool khilne lage

کچھ ایسے سیدھا کیا ہر طبیعتِ کج کو ملا دیا مرے آقا نے اوس و خزرج کو

Kuch aise seedha kiya har tabiyat-e kaj ko Mila diya mere Aaqa ne Aus o Khazraj ko

ہوا یہ فیصلہء خوشنما بھی غیر کے ساتھ رہیں گے مل کے مسلماں بنو نضیر کے ساتھ

Huwa ye faisla-e-khushnuma bhi gair ke saath Rahenge mil ke Musalmaan Banu Nadeer ke saath

رگِ تحفظِ طیبہ میں خون بھرنےکا معاہدہ ہوا مل کر دفاع کرنے کا

Rag-e-tahafuz-e-Tayyiba mein khoon bharne ka Moaheda huwa mil kar difaa karne ka

برائیوں کا تصور خروج کو پہنچا نصیب خلق و شرافت عروج کو پہنچا

Buraiyon ka tasawwur khurooj ko pohocha Naseeb khalq o sharaft urooj ko pohocha

ہوا دیار نبی ؐ فتح تو یہ بولے نبی ؐ نہ ہوگی آج کسی سے بھی باز پرس کوئی

Huwa diyaar Nabi (ﷺ) fatah to ye bole Nabi (ﷺ) Na hogi aaj kisi se bhi baaz purs koi

نہ ہو وہ خوف زدہ جس نے ہم پہ کی بیداد خدا گواہ کہ ہر شخص آج ہے آزاد

Na ho woh khauf zada jisne hum pe ki bedaad Khuda gawah ke har shakhs aaj hai aazaad

معاف کرتا ہوں ہندہ کو ، وہ بھی اب نہ ڈرے مگر یہ کہہ دو مرے سامنے نہ آیا کرے

Maaf karta hoon Hindah ko, woh bhi ab na dare Magar ye keh do mere saamne na aaya kare

جو گھر میں ہو ابو سفیان کے اسے بھی اماں جو آئے سائے میں ایمان کے اسے بھی اماں

Jo ghar mein ho Abu Sufyan ke use bhi amaan Jo aaye saaye mein imaan ke use bhi amaan

بڑے بہت ہی بڑے ایک اجتماع کے دن نبیؐ نے خطبہ دیا حجتہ الوداع کےدن

Bade bahut hi bade ek ijtima ke din Nabi (ﷺ) ne khutba diya Hujjatul Wida ke din

وہ خطبہ تھا کہ ہر اک عہد کی ضرورت تھا وہ چند لفظوں میں منشورِ آدمیّت تھا

Woh khutba tha ke har ek ahad ki zaroorat tha Woh chand lafzon mein manshoor-e-aadamiyat tha

خدا نے دین کی تکمیل کا پیام دیا تمام نعمتوں کو آپؐ پر تمام کیا

Khuda ne deen ki takmeel ka paighaam diya Tamaam ni'maton ko aap (ﷺ) par tamaam kiya

اگرچہ مرحلہء اجتہاد آئے گا نبیؐ نہ کوئی محمدؐ کے بعد آئے گا

Agarche marhala-e-ijtihad aayega Nabi (ﷺ) na koi Muhammad (ﷺ) ke baad aayega

Share This Naat

Related Naats

ہُوا نہ ہو گا جہان بھر میں ، کوئی رسالت مآب جیسا

میں نہیں منگدا تخت حکومت میں نہیں منگدا شاہی

پل صراطوں سے گزر ، جسم نہ رکھ

ملکِ خاصِ کِبریا ہو