ہُوا نہ ہو گا جہان بھر میں ، کوئی رسالت مآب جیسا
بجز نبی کے کسے ملا ہے صحیفہ اُم الکتاب جیسا
Hua na ho ga jahan bhar mein, koi risalat ma'ab jaisa
Bajaz nabi ke kase mila hai sahifa um al-kitab jaisa
وہ ایسے اخلاق کے ہیں پیکر، عدو بھی ان کو پکارے صادق
کوئی نہ لایا نہ لا سکے گا، وہ لائے ہیں انقلاب جیسا
Wo aise ikhlaq ke hain paikar, adu bhi un ko pukare sadiq
Koi na laya na la sake ga, wo laye hain inqalab jaisa
اُنہیں کو رحمت بنا کے بھیجا ، ہے عا لمیں کے لئے خدا نے
ملے گا نَے مل سکا کسی کو ، ملا ہے اُن کو خطاب جیسا
Unhein ko rehmat bana ke bheja, hai a'lamin ke liye khuda ne
Mile ga naye mil saka kisi ko, mila hai un ko khitab jaisa
وہ لائے تشریف جب جہاں میں ، مٹا اندھیرا ہُوا سویرا
ازل کی تاریکیوں میں بھیجا ، خدا نے وہ آفتاب جیسا
Wo laye tashrif jab jahan mein, mita andhera hua sawera
Azel ki tareekiyon mein bheja, khuda ne wo aftaab jaisa
جو اُن کے دربار کے ہیں زائر، وہ کہہ رہے تھے یہ مجھ سے آصف
مدینے جانا پلٹ بھی آنا، ہمیں یہ لگتا ہے خواب جیسا
Jo un ke darbar ke hain za'ir, wo keh rahe the yeh mujh se asif
Madine jana palat bhi aana, humein yeh lagta hai khuwab jaisa
Share This Naat
Share with friends and family
ہُوا نہ ہو گا جہان بھر میں ، کوئی رسالت مآب جیسا
محمد آصف قادری