naat
حشر کے دن واجب ٹھہرے گی کس کی شفاعت ان کی ان کی
حشر کے دن واجب ٹھہرے گی کس کی شفاعت ان کی ان کی
روز قیامت ہم پر ہوگی کس کی رحمت، ان کی ان کی
Hashr ke din wajib thehre gi kis ki shafaat un ki un ki
Roz-e-qayamat ham par hogi kis ki rehmat, un ki un ki
کس کا پسینہ خوشبو بن کر مہکا پھولوں کی دنیا میں
گلشنِ عالم میں پھیلی ہے کس کی نکہت، ان کی ان کی
Kis ka paseena khushbu ban kar meheka phoolon ki duniya mein
Gulshan-e-alam mein phaili hai kis ki nikhat, un ki un ki
کس نے شبِ معراج حدِ اجسام سے آگے منزل کی ہے
عرشِ معلّٰی سے آگے ہے کس کی رفعت، ان کی ان کی
Kis ne Shab-e-Meraj had-e-ajsaam se aage manzil ki hai
Arsh-e-mualla se aage hai kis ki rufat, un ki un ki
نام ان کا تورات میں پایا، ذکر ان کا انجیل میں دیکھا
دیتے چلے آئے ہیں پیمبر کس کی بشارت، ان کی ان کی
Naam un ka Torah mein paaya, zikr un ka Injeel mein dekha
Dete chale aaye hain paimber kis ki basharat, un ki un ki
اِنَّا اعطینٰکَ الْکَوْثَر کس کا ذکر ہے ان کا
کس کی شوکت کس کی عظمت کس کی کثرت، ان کی ان کی
Inna a'taina kalkautar kis ka zikr hai un ka
Kis ki shaukat kis ki azmat kis ki kasrat, un ki un ki
اِنَّا اَرْسَلْنٰکَ شَاھِد کس کی صفت کا ذکر ہوا ہے
قرآں کے ایک ایک ورق میں کس کی مدحت، ان کی ان کی
Inna arsalna kashaahid kis ki sifat ka zikr hua hai
Qur'an ke aik aik warq mein kis ki madihat, un ki un ki
اِنْ ھُوَ اِلاَّ وَحْیٌ یُّوْحیٰ کس کے نطق کا یہ چرچا ہے
کس کی خطابت کس کی فصاحت کس کی بلاغت،ان کی ان کی
In huwa illa wahyuy yuha kis ke nutq ka yeh charcha hai
Kis ki khitabat kis ki fasahat kis ki balaghat, un ki un ki
تاج انہیں کا راج انھیں کا معرکہء معراج انھیں کا
ثُمَّ دَنَا فَتَدَلیّٰ سے ہے کس کی نسبت، ان کی ان کی
Taaj unhi ka raaj unhi ka ma'arka-e-mairaaj unhi ka
Thumma dana fatadalla se hai kis ki nisbat, un ki un ki
کس کی حیاتِ پاک کا اک اک گوشہ ہے تقلید کے قابل
امن و اماں پر مبنی نظمی کس کی سیرت، ان کی ان کی
Kis ki hayat-e-paak ka ek ek gosha hai taqleed ke qabil
Aman o amaan par mabni nazmi kis ki seerat, un ki un ki
Share This Naat
Share with friends and family
حشر کے دن واجب ٹھہرے گی کس کی شفاعت ان کی ان کی
سید آل رسول حسنین میاں برکاتی نظمی