ہر دم یہی دُعا ہے میری ، مرے خُدا سے
کر دے مُجھے مُشرّف دیدارِ مُصطفٰےْ سے
Har dam yehi dua hai meri, mere khuda se
Kar de mujhe musharraf deedaar-e-Mustafa se
ذکرِ خُدا سے پایا ، ہر دم سکون دل نے
ٹھنڈک ملی ہے یادِ محبوبِ کبریا سے
Zikr-e-Khuda se paaya, har dam sakoon dil ne
Thandak mili hai yaad-e-mehboob-e-Kibriya se
رُخ ہے حَسین تیرا ! ، بانٹے ہے نُور سب کو
روشن ہیں چاند تارے ، آقاْ ! اِسی ضیا سے
Rukh hai haseen tera! Bantay hai noor sab ko
Roshan hain chaand taare, aaqa! isi ziya se
دینِ نبیْ کی خاطر سب کُچھ لُٹا دے مومن
تیرے لئے بلاوا آیا ہے کربلا سے
Deen-e-Nabi ki khatir sab kuch luta de momin
Tere liye bulaawa aaya hai Karbala se
نوکِ سِناں پہ سر کا چڑھنا کیا گوارا
لیکن نہیں ملایا وہ ہاتھ بے حیا سے
Nok-e-sina pe sar ka chadhna kya gawara
Lekin nahi milaya woh haath be haya se
قاسم نے ہر گدا کی جھولی بھری ہوئی ہے
جو کُچھ ملا ہے اُنْ کو مولا ! تری عطا سے
Qasim ne har gada ki jholi bhari hui hai
Jo kuch mila hai unko Moula! teri atta se
ہے مغفرت اُسی کی،پہنچا جو اُن کے در پر
بخشے گا اُس کو مولا، محبوب کی دُعا سے
Hai maghfirat usi ki, pahucha jo un ke dar par
Bakhshay ga us ko Moula, mehboob ki dua se
چشمِ کرم کا ہوگا میری طرف اشارہ
آئے گا پھر بُلاوا اُس شہرِ دلرُبا سے
Chashm-e-karam ka hoga meri taraf ishara
Aye ga phir bulawa us shehr-e-dilruba se
سب کا بھرا ہے دامن،چھوڑی کمی نہ کوئی
جس نےبھی جا کے مانگا اُن کےدرِ سخا سے
Sab ka bhara hai daaman, chhodi kami na koi
Jis ne bhi ja ke manga un ke dar-e-sakha se
اُمّت ہے مُصطفٰے کی ، اپنے کرم سے مولا
رکھنا اِسے ہمیشہ محفوظ ہر بلا سے
Ummat hai Mustafa ki, apne karam se Moula
Rakhna isay hamesha mehfooz har bala se
آقا لحد میں سُن کر مُجھ سے جلیل مدحت
صرفِ نظر کریں گے میری وہ ہر خطا سے
Aaqa lahd mein sun kar mujh se jameel madah
Sarf-e-nazar karen ge meri woh har khata se
Share This Naat
Share with friends and family
ہر دم یہی دُعا ہے میری ، مرے خُدا سے
حافظ عبدالجلیل