یارب مرے دل میں ہے تمنائے مدینہ
اِن آنکھوں سے دِکھلا مجھے صحرائے مدینہ
yaarab maray dil mein hai tamnaye madinah
in aankhon se dikhla mujhe sehraaye madinah
نکلے نہ کبھی دِل سے تمنائے مدینہ
سر میں رہے یارب میرے سودائے مدینہ
niklay na kabhi dil se tamnaye madinah
sar mein rahay yaarab maray sodaye madinah
ہر ذَرَّہ میں ہے نورِ تجلائے مدینہ
ہے مخزنِ اَسرار سراپائے مدینہ
har zarra mein hai noor-e-tajlaaye madinah
hai makhzan-e-asrar sarapaaye madinah
ایسا مری نظروں میں سما جائے مدینہ
جب آنکھ اُٹھاؤں تو نظر آئے مدینہ
aisa meri nazron mein sama jaye madinah
jab aankh uthaoon to nazar aaye madinah
پھرتے ہیں یہاں ہند میں ہم بے سر و ساماں
طیبہ میں بلالو ہمیں آقائے مدینہ
phirtay hain yahan hind mein hum be sar o saaman
tayba mein bilalo humein aaqaye madinah
اس درجہ ہیں مشتاقِ زِیارت مری آنکھیں
دل سے یہ نکلتی ہے صدا ہائے مدینہ
is darja hain mushtaq-e-ziyarat meri aankhein
dil se ye nikalti hai sada haaye madinah
یاد آتا ہے جب روضۂ پرنور کا گنبد
دل سے یہ نکلتی ہے صدا ہائے مدینہ
yaad aata hai jab roza-e-purnoor ka gunbad
dil se ye nikalti hai sada haaye madinah
میں وَجد کے عالم میں کروں چاک گریباں
آنکھوں کے مرے سامنے جب آئے مدینہ
mein wajd ke aalam mein karoon chaak garebaan
aankhon ke maray samnay jab aaye madinah
کیونکر نہ جھکیں خلق کے دل اُس کی طرف کو
ہے عرشِ الٰہی بھی تو جویائے مدینہ
kyoonkar na jhukain khalq ke dil us ki taraf ko
hai arsh-e-ilahi bhi to jovyaaye madinah
سر عرش کا خم ہے ترے روضے کے مقابل
اَفلاک سے اُونچے ہیں مکانہائے مدینہ
sar arsh ka khum hai teray roza ke muqabil
aflaak se oonchay hain makanhaaye madinah
طیبہ کی زمیں جھاڑتے آتے ہیں مَلائک
جبریل کے پر فرشِ مُعلائے مدینہ
tayba ki zameen jhaardtay aatay hain malaik
jibrail ke par farsh-e-moallaaye madinah
قرآن قسم کھاتا نہ اُس شہر کی ہرگز
گر ہوتا نہ وہ گل چمن آرائے مدینہ
quran qasam khata na us shehar ki hargez
gar hota na wo gul chaman aaraaye madinah
سلطانِ دوعالم کی مرے دل میں ہے تربت
ہوتے ہیں یہ کعبے سے سخن ہائے مدینہ
sultan-e-do-aalam ki maray dil mein hai turbat
hotay hain ye kaabay se sukhan haaye madinah
کیوں گور کا کھٹکا ہو قیامت کا ہو کیا غم
شیدائے مدینہ ہوں میں شیدائے مدینہ
kyoon gour ka khatka ho qayamat ka ho kya gham
sheedaaye madinah hoon mein sheedaaye madinah
کیوں طیبہ کو یثرب کہو ممنوع ہے قطعاً
موجود ہیں جب سیکڑوں اَسمائے مدینہ
kyoon tayba ko yasrab kaho mamnoo hai qat'an
maujood hain jab sekron asmaaye madinah
جاتے نہیں حج کرکے جو کعبے سے مدینہ
مردُود شیاطین ہیں اَعدائے مدینہ
jatay nahi hajj karkay jo kaabay se madinah
mardood shayateen hain a'daaye madinah
بلوا کے مدینے میں جمیلؔ رضوی کو
سگ اپنا بنالو اُسے مولائے مدینہ
bulwa ke madinay mein jameel razvi ko
sag apna banalo usay molaaye madinah
Share This Naat
Share with friends and family
یارب مرے دل میں ہے تمنائے مدینہ
جمیل الرحمن قادری