یہ حکایت ہے کوئی ‘ اور نہ کوئی افسانہ
سنگ پاروں پہ ترا اَبرِ دُعا برسانا
Yeh hikayat hai koi ' aur na koi afsana
Sang paron pe tera abr-e-dua barsana
تجھ کو تقدیر بدلنے کی بھی آسانی تھی
وہی کچھ ہو کے رہا ‘ تُو نے جو دل میں ٹھانا
Tujh ko taqdeer badalne ki bhi aasani thi
Wahi kuch ho ke raha ' tu ne jo dil mein thana
تُو نے اس قوم کو بھی حکمت و حشمت بخشی
جس کا دِل سود تھا ‘ اور ذہن فقط ویرانہ
Tu ne is qoum ko bhi hikmat o hashmat bakhshi
Jis ka dil sood tha ' aur zehan faqat weerana
تیری تعلیم نے اس کو بھی سکھا دی تہذیب
با اَدب ہے تری محفل میں ‘ ترا دیوانہ
Teri taleem ne is ko bhi sikha di tehzeeb
Ba adab hai teri mehfil mein ' tera deewana
معجزہ اس سے بڑا اور بھلا کیا ہوگا
ظلمتِ کفر میں تا مانئ قرآں لانا
Mo'jza is se bara aur bhala kya hoga
Zulmat-e-kufr mein ta mani-e-quran lana
نوعِ اِنسان کی تاریخ کا روشن آغاز
اَرضِ مکّہ سے ترا سوئے مدینہ جانا
Nou-e-insaan ki tareekh ka roshan aghaz
Arz-e-Makkah se tera sooye Madina jana
نگہت و رنگ مجھے تیرے ہی صحرا سے ملے
جن کی خاطر چمنستانِ جہاں کو چھانا
Nighat o rang mujhe tere hi sehra se mille
Jin ki khaatir chamanistan-e-jahan ko chhana
تیرے معیارِ سخاوَت کی نہیں کوئی نظیر
بوند اِک مانگنا اور سات سمندر پانا
Tere miyar-e-sakha'wat ki nahi koi nazeer
Boond ik maangna aur saat samandar pana
تیری اُمت کو ملی عظمتِ دَائم کی نوید
یوں تو قوموں کا لگا رہتا ہے آنا جانا
Teri ummat ko mili azmat-e-da'im ki naveed
Yun to qoumon ka laga rehta hai aana jana
تیر ی شانِ بشریت پہ ہے قربان ندیم ؔ
اُس نے تیرے ہی تَو سُّط سے خدا پہچانا
Teri shaan-e-bashriyat pe hai qurban Nadeem
Us ne tere hi tawassut se Khuda pehchana
Share This Naat
Share with friends and family
یہ حکایت ہے کوئی ‘ اور نہ کوئی افسانہ
احمد ندیم قاسمی