آئیں چلتے ہیں مدینے کی طرف
دل مہکتے ہیں مدینے کی طرف
Aain chalte hain madine ki taraf
Dil mehkate hain madine ki taraf
بادبانِ کشتیِ ایمان کا
رخ پلٹتے ہیں مدینے کی طرف
Badbaan-e-kashti-e-iman ka
Rukh palatte hain madine ki taraf
چاند سورج کہکشائیں اور نجوم
روز جھکتے ہیں مدینے کی طرف
Chaand sooraj kahkashain aur nujoom
Roz jhukte hain madine ki taraf
سب پہ آنکھیں ہیں بچھی عشاق کی
جتنے رستے ہیں مدینے کی طرف
Sab pe aankhen hain bichi ashaaq ki
Jitne raste hain madine ki taraf
فرض ہم کرتے ہیں کعبے میں ادا
حُب نبھاتے ہیں مدینے کی طرف
Farz hum karte hain kabe mein ada
Hub nibhate hain madine ki taraf
زندگی کی ہو حسیں تشکیلِ نو
جب بھی جاتے ہیں مدینے کی طرف
Zindagi ki ho haseen tanzil-e-no
Jab bhi jaate hain madine ki taraf
دور ہوتی ہیں جہاں کی تلخیاں
بخت کھلتے ہیں مدینے کی طرف
Door hoti hain jahan ki talkhiyaan
Bakht khilte hain madine ki taraf
برزخ آسا اور سب اطراف ہیں
خلد پاتے ہیں مدینے کی طرف
Barzakh aasa aur sab atraf hain
Khuld paate hain madine ki taraf
اپنے آقاؐ کو کریں جب ہم سلام
چہرہ کرتے ہیں مدینے کی طرف
Apne aaqa (SAW) ko karein jab hum salam
Chehra karte hain madine ki taraf
فرقتِ طیبہ میں ہم عشاق کے
اشک بہتے ہیں مدینے کی طرف
Farqat-e-Tayiba mein hum ashaaq ke
Ashk bahte hain madine ki taraf
طائرانِ فکرِ اہلِ مدح و نعت
روز اڑتے ہیں مدینے کی طرف
Tairaan-e-fikr-e-ahl-e-madh o naat
Roz urte hain madine ki taraf
ہے سفر کس سمت جب پوچھے کوئی
یار کہتے ہیں مدینے کی طرف
Hai safar kis simt jab pooche koi
Yaar kehte hain madine ki taraf
طاہرؔ اپنے گھر کے روشن دان ہم
سارے رکھتے ہیں مدینے کی طرف
Tahir apne ghar ke roshandan hum
Saare rakhte hain madine ki taraf
Share This Naat
Share with friends and family
آئیں چلتے ہیں مدینے کی طرف
پروفیسر محمد طاہر صدیقی