خواب میں کاش کبھی ایسی بھی ساعت پاؤں
آپ کو نعت سنانے کی سعادت پاؤں
Khawab mein kaash kabhi aisi bhi sa'at paon
Aap ko naat sunanay ki sa'adat paon
راہِ طیبہ میں ہوں ہمراہ ثنا خواں تیرے
حافظ و تائب و افضل کی رفاقت پاؤں
Raah-e-tayyaba mein hoon hamrah sana khwan tere
Hafiz o taib o afzal ki rafaqat paon
تیری رحمت ہو محافظ مری منزل منزل
چار سو اپنے ، ترا ہا لۂ رحمت پاؤں
Teri rehmat ho muhafiz meri manzil manzil
Chaar soo apne, tera ha'ala-e-rehmat paon
استقامت ہو عطا گرتے ہوئے جذبوں کو
شرکے ان زلزلوں میں خیر کی مہلت پاؤں!
Isteqamat ho 'ata girte hue jazbon ko
Shar ke in zalzalon mein khair ki mohlat paon!
سب سے آخر میں سہی ،گر نہیں سب سے پہلے
شافعِ حشر! تری میں بھی شفاعت پاؤں
Sab se akhir mein sahi, gar nahi sab se pehle
Shafi'e hashr! Teri mein bhi shafa'at paon
راست فہمی ملے ان بے بصر اندازوں میں
اس گماں زار میں ایقانِ حقیقت پاؤں
Raast fahmi mile in be basar andaazon mein
Is gumaan zaar mein eeqan-e-haqiqat paon
کام آئے مراخوں حرمتِ دیں کی رہ میں
سرِ میدانِ وفا اوجِ شہادت پاؤں
Kaam aaye marakhon hurmat-e-deen ki reh mein
Sar-e-meedan-e-wafa aoj-e-shahadat paon
یاد سے تیری ہم آہنگ ہو دھڑکن دھڑکن
ذکر سے تیرے کسی پل نہ فراغت پاؤں
Yaad se teri hum aahang ho dhadkan dhadkan
Zikar se tere kisi pal na faragat paon
ثانیہ ثانیہ ہو شکر سراپا کی مثال
عمر میں خیر تو اعمال میں برکت پاؤں
Saniyah saniyah ho shukar sarapa ki misaal
Umar mein khair to aamaal mein barkat paon
دہر میں وجہِ حیات آپ کی الطاف رہیں
حشر میں بہرِ نجات آپ کی رحمت پاؤں
Dahr mein wajah-e-hayat aap ke altaaf rahein
Hashr mein baahr-e-nijat aap ki rehmat paon
شرف اندوز ہوذات آپ کے جذبِ حب سے
میں غلام آپ کاہوں آپ سے عزت پاؤں
Sharaf andoz hozaat aap ke jazb-e-hub se
Main ghulam aap kahon aap se izzat paon
ایک پل بھی نہ ریاضؔ آج سے گزرے بے کار
خیر کے واسطے اب عمر کی مہلت پاؤں
Ek pal bhi na Riaz aaj se guzre bekaar
Khair ke wastay ab umar ki mohlat paon
Share This Naat
Share with friends and family
خواب میں کاش کبھی ایسی بھی ساعت پاؤں
ریاض مجید