حرف کے مالک و مختار نے مسرور کیا
مدحتِ سرورِ کونین پہ مامور کیا
Harf ke malik o mokhtar ne masroor kiya
Madah-e-sarwar-e-kawnain pe mamoor kiya
ناز ہو مجھ کو مقدر پہ شہا ،آپ نے گر
کاسۂ چشم کو دیدار سے معمور کیا
Naz ho mujh ko muqaddar pe sheha, aap ne gar
Kasa-e-chashm ko deedaar se mamoor kiya
چوم کر ہم نے تصور میں سنہری جالی
صدمۂ فرقتِ سرکار کو کافور کیا
Choom kar hum ne tasawwur mein sunehri jaali
Sadm-e-furqat-e-sarkar ko kafoor kiya
اب کوئی منظرِ پر کیف لبھاتا ہی نہیں
گنبدِ سبز نے ایسا مجھے مسحور کیا
Ab koi manzar-e-par kaif labhata hi nahi
Gunbad-e-sabz ne aisa mujhe mashhoor kiya
میں بھی ہوں محورِ کون و مکاں کا شیدائی
مجھ کو تقدیر نے یونہی نہیں مغرور کیا
Mein bhi hoon mehwar-e-kawn o makaan ka sheidai
Mujh ko taqdeer ne yoonhi nahi maghroor kiya
مجھ کو اللہ نے مدحت کی اجازت دے کر
مجھ سے گمنام کو سنسار میں مشہور کیا
Mujh ko Allah ne madah ki ijaazat de kar
Mujh se gumnaam ko sansaar mein mashhoor kiya
چند لمحے جو مواجہ پہ حضوری کے ملے
بارشِ نور نے اشفاق شرابور کیا
Chand lamhe jo mawajah pe huzoori ke mile
Barish-e-noor ne Ashfaq sharaboor kiya
Share This Naat
Share with friends and family
حرف کے مالک و مختار نے مسرور کیا
اشفاق احمد غوری