وہ زمیں ہے اور وہ آب و ہوا ہی اور ہے
شہرِ سلطانِ مدینہ کی فضا ہی اور ہے
Woh zameen hai aur woh aab o hawa hi aur hai
Shehr-e-Sultan-e-Madina ki fiza hi aur hai
شاہِ بطحا کی غلامی کا مزا ہی اور ہے
ان کی چوکھٹ پر جو آئے وہ قضا ہی اور ہے
Shah-e-Bat'ha ki ghulami ka maza hi aur hai
Un ki chaukhat par jo aaye woh qaza hi aur hai
کتنے شاہانِ جہاں پلتے ہیں ان کی بھیک پر
قاسمِ نعمت ہیں وہ ان کو عطا ہی اور ہے
Kitne Shahaan-e-jahan palte hain un ki bheek par
Qasim-e-nemat hain woh un ko ata hi aur hai
آپ کی مدحت کا ہے اک سلسلہ ام الکتاب
ان کے خالق نے جو کی ہے وہ ثنا ہی اور ہے
Aap ki mad'hat ka hai ek silsila umm-ul-kitab
Un ke Khaliq ne jo ki hai woh sana hi aur hai
سب حسنیانِ جہاں کہتے تھے اُن کو دیکھ کر
اِن کی چھب ہی اور ہے ان کی ادا ہی اور ہے
Sab husnian-e-jahan kehte the un ko dekh kar
In ki chhabi hi aur hai un ki ada hi aur hai
چاند سورج کھنچتے آتے ہیں مدینے کی طرف
گنبدِ پُرنور کی آصف ضیا ہی اور ہے
Chand Sooraj khinchte aate hain Madine ki taraf
Gunbad-e-purnoor ki asif zia hi aur hai
Share This Naat
Share with friends and family
وہ زمیں ہے اور وہ آب و ہوا ہی اور ہے
محمد آصف قادری