جلوہ فگن محمد ﷺ ‘ جلو نما محمد ﷺ
خود عکسِ آئینہ گر ‘ خود آئینہ محمد ﷺ
Jalwa fagan Muhammad ﷺ, jalo numa Muhammad ﷺ
Khud aaks-e-aa'ina gar, khud aa'ina Muhammad ﷺ
صبح ازل بھی ان کی شام ِ ابد بھی ان کی
شمس الضحیٰ محمد ﷺ ‘ بد الدجیٰ محمد ﷺ
Subah azal bhi un ki sham-e-abad bhi un ki
Shams-ud-doha Muhammad ﷺ, bad-ud-doja Muhammad ﷺ
تہذیبِ سالکا ں بھی ‘ تادیبِ گمراہاں بھی
ہر جادہ سفر میں نور الہدیٰ محمدﷺ
Tehzeeb-e-saalikan bhi, tadeeb-e-gumrah'an bhi
Har jada safar mein noor-ul-huda Muhammad ﷺ
ان کو خلوصِ دل سے کوئی اگر پکارے
مشکل کی ہر گھڑی میں مشکل کشا محمد ﷺ
Un ko khuloos-e-dil se koi agar pukare
Mushkil ki har ghari mein mushkil kusha Muhammad ﷺ
تائیدِ بے نوایاں ‘ تسکینِ غم نصیباں
غم خوار و غم گُسار و غم آشنا محمد ﷺ
Taa'id-e-be nawayan, taskeen-e-gham naseeban
Gham khwar o gham gusa' o gham asna Muhammad ﷺ
ہر طالب شفا کا دارالشفا مدینہ
ہر دردِ لادوا کی شافی دوا محمد ﷺ
Har talib shifa ka dar-ul-shifa Madina
Har dard-e-la'dawa ki shafi dawa Muhammad ﷺ
اپنے پرائے سب کے عقدہ کشا وہی ہیں
خیر الامم محمد ﷺ ‘ خیر الوریٰ محمد ﷺ
Apne para'e sab ke uqda kusha wahi hain
Khair-ul-umam Muhammad ﷺ, khair-ul-wara Muhammad ﷺ
محفوظ کشتیوں کے تو نا خدا سبھی ہیں
ٹوٹے ہوئے سفینوں کے ناخدا محمد ﷺ
Mahfooz kashtiyon ke to na khuda sabhi hain
Toote hue safeenon ke nakhuda Muhammad ﷺ
قرآن بولتا تھا لہجے میں مصطفےٰ ﷺ کے
ہوتے تھے جب ہدایت کو لب کشا محمد ﷺ
Qur'an bolta tha lehje mein Mustafa ﷺ ke
Hote the jab hidayat ko lab kusha Muhammad ﷺ
ہر ملک اور ملت کا کوئی پیشوا ہے
اور سارے پیشواؤں کے پیشوا محمدﷺ
Har mulk aur millat ka koi peshwa hai
Aur saare peshwawon ke peshwa Muhammad ﷺ
اقباؔل حرزِ جاں ہے اب صرف یہ وظیفہ
صلِ علی ٰ محمدﷺ صلِ علی ٰ محمد ﷺ
Iqbal harz-e-jaan hai ab sirf ye wazifa
Salli ala Muhammad ﷺ, salli ala Muhammad ﷺ
Share This Naat
Share with friends and family
جلوہ فگن محمد ﷺ ‘ جلو نما محمد ﷺ
پروفیسراقبال عظیم