رہے دل میں جو یاد ان کی تو نزہت ساتھ رہتی ہے
عجب خوشبو درودوں کی بدولت ساتھ رہتی ہے
rahe dil mein jo yaad un ki to nazahat saath rahti hai
ajab khushboo duroodon ki badolat saath rahti hai
جہاں جاتا ہوں رہتا ہوں سدا رحمت کے سائے میں
یہی تو فیضِ نسبت ہے کہ رحمت ساتھ رہتی ہے
jahan jata hoon rahta hoon sada rehmat ke saaye mein
yahi to faiz-e-nisbat hai ke rehmat saath rahti hai
میں تنہائی میں روضے کا تصور جب بھی کرتا ہوں
اسے ہر بار تکنے کی وہ حسرت ساتھ رہتی ہے
mein tanhai mein roza ke tasawwur jab bhi karta hoon
use har baar takne ki wo hasrat saath rahti hai
محبت ان سے ایماں کی جو شرطِ اولیں ٹھہری
تو ایماں کی حفاظت کو محبت ساتھ رہتی ہے
muhabbat un se imaan ki jo shart-e-awwaleen thehri
to imaan ki hifazat ko muhabbat saath rahti hai
نظر میں جن کی رہتی ہیں سنہری جالیاں ان کی
انہی کے پھر کٹھن راہوں میں ہمت ساتھ رہتی ہے
nazar mein jin ki rahti hain sunehri jaaliyan un ki
unhi ke phir kathin raahon mein himmat saath rahti hai
کوئی صدیقِ اکبرؓ سے وفاؤں کا سبق سیکھے
کٹھن راہیں بھی ہوتی ہیں جو ہجرت ساتھ رہتی ہے
koi Siddiq-e-Akbarؓ se wafaoon ka sabaq seekhe
kathin rahein bhi hoti hain jo hijrat saath rahti hai
تری الفت کے صحرا کے مسافر کی ہے خوش بختی
نہیں دِکھتے سراب ان کو حقیقت ساتھ رہتی ہے
teri ulfat ke sehra ke musafir ki hai khush bakhti
nahi dikhte saraab un ko haqeeqat saath rahti hai
رہِ حق سے تو شیطاں بھی انہیں بھٹکا نہیں سکتا
کہ جن کے ہاتھ میں قرآں شریعت ساتھ رہتی ہے
rah-e-haq se to shaitaan bhi unhein bhatka nahi sakta
ke jin ke haath mein quraan shariat saath rahti hai
عقیدہ ہے صحیح ان کا وہی کامل ہیں ایماں میں
کہ جن کے دل میں توحید و رسالت ساتھ رہتی ہے
aqeeda hai sahi un ka wahi kaamil hain imaan mein
ke jin ke dil mein tauheed o risaalat saath rahti hai
نہیں بٹتے وہ فرقوں میں جو ہیں ان کی غلامی میں
رہیں دامن سے وابستہ تو وحدت ساتھ رہتی ہے
nahi batte woh firqon mein jo hain un ki ghulami mein
rahein daaman se wabasta to wahdat saath rahti hai
جلیل آتا ہے عاشق کا جو دم پتلی میں اس دم بھی
زباں پر لا الہ ہوتا ہے مدحت ساتھ رہتی ہے
jaleel aata hai aashiq ka jo dam patli mein us dam bhi
zubaan par la ilaha hota hai madhat saath rahti hai
Share This Naat
Share with friends and family
رہے دل میں جو یاد ان کی
حافظ عبدالجلیل