ہاتھ میں دامانِ شاہِ دو جہاں رکھتا ہوں میں
اپنے قبضہ میں زمین و آسماں رکھتا ہوں میں
Haath mein daaman-e-Shah-e-Do Jahan rakhta hoon mein
Apne qabza mein zameen o aasman rakhta hoon mein
میں زباں کو صَرفِ آہ و شور و شیون کیوں کروں
صِرف اُنؐ کی نعت پڑھنے کو زباں رکھتا ہوں میں
Mein zubaan ko sarf-e-aah o shor o shaiwan kyun karoon
Sirf unؐ ki naat parhnay ko zubaan rakhta hoon mein
میری کشتی چھوڑ دے بطحا کی جانب ناخُدا
اپنے دل میں خوف طوفاں کا کہاں رکھتا ہوں میں
Meri kashti chhor de Batha ki janib nakhuda
Apne dil mein khauf toofan ka kahaan rakhta hoon mein
سَروَر کون و مکاں پر کیوں نہ صدقے جاؤں میں
اُنؐ کے صدقے میں لبِ گوہر فشاں رکھتا ہوں میں
Sarwar-e-kon o makaan par kyun na sadqay jaoon mein
Unؐ ke sadqay mein lab-e-gohar fishaan rakhta hoon mein
مجھ کو تو مطلوب گلیاں ہیں دیارِ پاک کی
دُور دل سے حسرتِ کون و مکاں رکھتا ہوں میں
Mujh ko to matloob galiyan hain diyar-e-paak ki
Door dil se hasrat-e-kon o makaan rakhta hoon mein
یہ وہ دولت ہے کہ جس پر گنجِ قاروں بھی نثار
دل میں اپنے عشقِ احمدؐ کو نہاں رکھتا ہوں میں
Yeh woh daulat hai ke jis par ganj-e-Qarun bhi nisaar
Dil mein apne ishq-e-Ahmadؐ ko nihan rakhta hoon mein
ورنہ اے بہؔزاد میں کیا کیا یہ میری شاعری
فیض ہے اُن ؐ کا جو یہ نام و نشاں رکھتا ہوں میں
Warna aye Beؔzad mein kya kya ye meri shairi
Faiz hai unؐ ka jo ye naam o nishaan rakhta hoon mein
Share This Naat
Share with friends and family
ہاتھ میں دامانِ شاہِ دو جہاں رکھتا ہوں میں
بہزاد لکھنوی