یہ اکرام ہے مصطفےٰ پر خدا کا
کہ سب کچھ خدا کا ہوا مصطفےٰ کا
Yeh ikram hai Mustafa par Khuda ka
Ke sab kuchh Khuda ka hua Mustafa ka
یہ بیٹھا ہے سکّہ تمہاری عطا کا
کبھی ہاتھ اُٹھنے نہ پایا گدا کا
Yeh bitha hai sikka tumhari aata ka
Kabhi hath uthne na paya gada ka
جو بندہ خدا کا وہ بندہ تمہارا
جو بندہ تمہارا وہ بندہ خدا کا
Jo banda Khuda ka woh banda tumhara
Jo banda tumhara woh banda Khuda ka
ترانام لے کر جو مانگے وہ پائے
ترا نام لیوا ہے پیارا خدا کا
Tera naam le kar jo maange woh paye
Tera naam lewa hai pyara Khuda ka
اذاں کیا جہاں دیکھو ایمان والو
پس ذکر حق ذکر ہے مصطفےٰ کا
Azaan kya jahan dekho imaan waalo
Pas zikr e Haq zikr hai Mustafa ka
کہ پہلے زباں حمد سے پاک ہولے
تو پھر نام لے وہ حبیب خدا کا
Ke pehle zubaan hamd se paak hole
To phir naam le woh habib e Khuda ka
ترے پاؤں نے سر بلندی وہ پائی
بنا تاجِ سر عرش ربِّ عُلا کا
Tere paon ne sar bulandi woh paayi
Bana taj e sar arsh e Rabb e Oola ka
ترے رتبہ میں جس نے چون و چرا کی
نہ سمجھا وہ بد بخت رتبہ خدا کا
Tere rutbah mein jis ne chon o chura ki
Na samjha woh bad bakht rutbah Khuda ka
نہ کیونکر ہو اس ہاتھ میں سب خدائی
کہ یہ ہاتھ تو ہاتھ ہے کبریا کا
Na kiyonkar ho iss haath mein sab Khudai
Ke yeh haath to haath hai Kibriya ka
جہاں ہاتھ پھیلا دے منگتا بھکاری
وہی در ہے داتا کی دولت سرا کا
Jahan haath phela de mangta bhikhari
Wohi dar hai daata ki daulat sara ka
بھلا ہے حسنؔ کا جناب رضا کا
بھلا ہو الٰہی جناب رضا کا
Bhala hai Hassan ka janab e Raza ka
Bhala ho Ilahi janab e Raza ka
Share This Naat
Share with friends and family
یہ اکرام ہے مصطفےٰ پر خدا کا
مولانا حسن رضا