حبیبِ حق پہ دِل و جاں سے جو نِثار ہوئے
اِنہیں پہ رازِ حقیقت کے آشکار ہوئے
Habeeb-e-Haq pe dil o jaan se jo nisaar huwe
Inhi pe raaz-e-haqeeqat ke aashkaar huwe
اُٹھا درُود کا اِک غلغلہ دُوعالم میں
بُراقِ برق پہ سرکار جب سَوار ہوئے
Utha darood ka ik ghulghula do aalam mein
Buraq-e-barq pe Sarkar jab sawar huwe
قرارِ زیست فِدا اُن کی بے قراری پر
جو عِشق سِرورِ عالم میں بے قرار ہوئے
Qarar-e-zeest fida unki beqarari par
Jo ishq e Suroor-e-Aalam mein beqaraar huwe
مِرے لبوں پہ مُحمّد کا نام جب آیا
تمام بگڑے ہوئے کام استوار ہوئے
Mere labon pe Muhammad ka naam jab aaya
Tamam bigrhe huwe kaam astwaar huwe
ہر ایک چشم بصیرت میں ہے ضیا اُن سے
زہے نصیب جو خاک ِ دیارِ یار ہوئے
Har ek chashm e baseerat mein hai zia unse
Zahe naseeb jo khaak e dayar-e-yaar huwe
کِسی کو اَور یہ شانِ عطا نصیٗب کہاں
گدا نواز کے منگتے بھی تاجدار ہوئے
Kisi ko aur ye shaan-e-ata naseeb kahan
Gada nawaz ke mangte bhi tajdaar huwe
جو اشک ہجر نبیؐ میں بہائے تھے خالدؔ
ہمارے واسطے سَرمایہ بَہار ہوئے
Jo ashk hijr Nabi (S.A.W.) mein bahaaye the Khalid
Hamare waaste sarmaya-e-bahaar huwe
Share This Naat
Share with friends and family
حبیبِ حق پہ دِل و جاں سے جو نِثار ہوئے
خالد محمود خالد