عشق شہ دیں مر کے بھی مرنے نہیں دیتا
آقا کا کرم مجھ کو بکھرنے نہیں دیتا
Ishq-e-Shahe-Deen mar ke bhi marne nahi deta
Aaqa ka karam mujh ko bikharne nahi deta
میں شوق زیارت میں سدا گرم سفر ہوں
یہ شوق کہیں مجھ کو ٹھہرنے نہیں دیتا
Main shauq-e-ziyarat mein sada garam safar hon
Ye shauq kahin mujh ko thehrne nahi deta
بے مانگے ہی ہر ایک کی بھر دیتا ہے جھولی
وہ کوشش اظہار بھی کرنے نہیں دیتا
Be maange hi har ek ki bhar deta hai jhuli
Woh koshish izhaar bhi karne nahi deta
وه اوج مقدر جو مجھے اس نے دیا ہے
اس اوج مقدر سے اترنے نہیں دیتا
Woh ooj-e-muqaddar jo mujhe us ne diya hai
Us ooj-e-muqaddar se utarne nahi deta
غیروں کا خیال آئے مرے دل میں تو کیسے
وہ ایسے خیالوں سے گزرنے نہیں دیتا
Ghairon ka khayal aaye mere dil mein to kaise
Woh aesay khayalon se guzarn ne nahi deta
ہر لحظہ نیا لطف دیا زخم جگر نے
اس زخم کو میں تو کبھی بھرنے نہیں دیتا
Har lahza naya lutf diya zakham-e-jigar ne
Us zakham ko main to kabhi bharne nahi deta
ہے دامن رحمت مرے ہاتھوں میں نیازی
دوزخ سے کرم آپ کا ڈرنے نہیں دیتا
Hai daaman-e-rehmat mere hathon mein Niazi
Dozakh se karam aap ka drr ne nahi deta
Share This Naat
Share with friends and family
عشق شہ دیں مر کے بھی مرنے نہیں دیتا
عبدالستار نیازی