سرِ میدانِ محشر جب مری فردِ عمل نکلی
تو سب سے پہلے اس میں نعتِ حضرت کی غزل نکلی
Sar-e-medaan-e-mahshar jab meri fard-e-amal nikli
To sab se pehle is mein naat-e-Hazrat ki ghazal nikli
طبیعت ان کے دیوانوں کی اب کچھ کچھ سنبھل نکلی
ہوائے دشتِ طیبہ گلشنِ جنت میں چل نکلی
Tabiyat un ke diwaanon ki ab kuch kuch sanbhal nikli
Hawa-e-dasht-e-Taiba gulshan-e-jannat mein chal nikli
بڑا دعوٰی تھا خورشیدِ قیامت کو حرارت کا
ترے ابرِ کرم کو دیکھ کر رنگت بدل نکلی
Bara daawa tha khursheed-e-qayamat ko hararat ka
Tere abr-e-karam ko dekh kar rangat badal nikli
لپٹ کر رہ گئے مجرم ترے دامانِ رحمت میں
قیامت میں قیامت کی ہوا جب تیز چل نکلی
Lipat kar reh gaye mujrim tere daaman-e-rehmat mein
Qayamat mein qayamat ki hawa jab tez chal nikli
منور کردیا داغِ جگر نے ذرے ذرے کو
مرے جاتے ہی میری قبر میں اک شمع جل نکلی
Munawwar kar diya daagh-e-jigar ne zarre zarre ko
Mere jaate hi meri qabar mein ek shama jal nikli
منوؔر کام آئی حشر میں نعتِ شہِ والا
بہت دل کش، بہت روشن، مری فردِ عمل نکلی
Munawwar kaam aayi hashr mein naat-e-sheh-e-wala
Bohat dil kash, bohat roshan, meri fard-e-amal nikli
Share This Naat
Share with friends and family
سرِ میدانِ محشر جب مری فردِ عمل نکلی
منور بدایونی