دعا ہے پھر مدینے کا سفر ہو
نبی کے در پہ دیوانے کا سر ہو
Dua hai phir Madine ka safar ho
Nabi ke dar pe deewane ka sar ho
نہ کیوں وہ دو جہاں میں معتبر ہو
مرے آقا تری جس پر نظر ہو
Na kyu woh do jahan mein mutabar ho
Mere Aaqa teri jis par nazar ho
تمنا ہے مرے دل کی خدایا
مرا دل سرور عالم کا گھر ہو
Tamanna hai mere dil ki Khudaya
Mera dil Sarwar-e-Alam ka ghar ho
صبا کہنا رہوں میں دور کب تک
ترا جب بھی مدینے میں گزر ہو
Saba kehna rahun mein door kab tak
Tera jab bhi Madine mein guzar ho
مجھے مل جائے پھر اذن حضوری
کرم سرکار کا بار وگر ہو
Mujhe mil jaye phir izn-e-huzoori
Karam Sarkar ka bar o gar ho
مرا آقا ہے وہ لج پال آقا
جسے ہر حال ہر اک کی خبر ہو
Mera Aaqa hai woh Lajpal Aaqa
Jisse har haal har ek ki khabar ho
جلائے کیوں اسے نارِ جہنم
تری رحمت کے جو زیر اثر ہو
Jalaye kyu usse naar-e-jahannum
Teri rehmat ke jo zeere asar ho
لگی ہے جو لگن عشق نبی کی
خدایا تیز تر سے تیز تر ہو
Lagi hai jo lagan ishq-e-Nabi ki
Khudaya tez tar se tez tar ho
در محبوب ہے کعبہ کا کعبہ
نہ کیوں سجدہ محبت کا ادھر ہو
Dar-e-Mahboob hai Kaaba ka Kaaba
Na kyu sajda mohabbat ka udhar ho
غلام ان کے جہاں جس حال میں ہیں
نہیں ممکن کہ آقا بے خبر ہو
Ghulam un ke jahan jis haal mein hain
Nahi mumkin ke Aaqa be khabar ho
میں اپنا حال خود ان کو سناؤں
نہ کوئی درمیاں میں نامہ بر ہو
Main apna haal khud un ko sunaun
Na koi darmiyan mein namaa bar ho
سوالی ہوں مرے مالک کرم کا
کرم آل نبی کے نام پر ہو
Sawali hoon mere Maalik karam ka
Karam Aal-e-Nabi ke naam par ho
مرے خوابوں میں بھی آجائیں آقا
دعاؤں میں مری اتنا اثر ہو
Mere khwabon mein bhi aajayein Aaqa
Duaon mein meri itna asar ho
تجھے توفیق بخشی ہے خدا نے
جہانِ غم میں خوشیوں کی سحر ہو
Tujhe taufeeq bakhshi hai Khuda ne
Jahan-e-gham mein khushiyon ki sehar ho
تمنا ہے نیازی دل کا سجدہ
نبی کے آستاں پر عمر بھر ہو
Tamanna hai Niazi dil ka sajda
Nabi ke aastaan par umar bhar ho
Share This Naat
Share with friends and family
دعا ہے پھر مدینے کا سفر ہو
عبدالستار نیازی