تینوں چم چم اکھیاں تھیں لاواں نی چٹھئے مدینے دئیے
تیرے آون توں واری واری جاواں نی چٹھئے مدینے دئیے
Teenoon cham cham akhiyaan thoon lawaan ni chathiye madine deeye
Tere aawan toon waari waari jaawaan ni chathiye madine deeye
میرے گھر توں آویں جاویں میرے دل دی پیاس بجھاوے
تیتھوں واری صد تڑے جاواں نی چٹھئے مدینے دئیے
Mere ghar toon aawen jaawen mere dil di pyaas bujhawe
Teithon waari sad thade jaawaan ni chathiye madine deeye
میں کملے تے کرم کمایا گھر میرے توں پھیرا پایا
تیریاں تکدا ساں روز میں راہواں نی چٹھئے مدینے دئیے
Main kamle te karam kamaya ghar mere toon phera paya
Teriyaan takda saan roz main raahwaan ni chathiye madine deeye
ٹھر گیا میرا سڑدا سینہ تک ساں جا کے شہر مدینہ
ہویاں تیریاں انج عطاواں نی چٹھئے مدینے دئیے
Thar gaya mera sarda seena tak saan ja ke sheher madina
Hoyaan teriyaan inj atawaan ni chathiye madine deeye
شکر ہے توں آج پھیرا پایا میں تتڑی دا مان ودھایا
تینوں وچ فریم سجاواں نی چٹھئے مدینے دئیے
Shukar hai toon aaj phera paya main tatrhi da maan vadhaya
Teenoon vich frame sajawaan ni chathiye madine deeye
بھلئے ہون بھلے سرکاروں ملن انعام تینوں درباروں
تینوں دیواں کی ہو دعاداں نی چٹھئے مدینے دئیے
Bhalle hon bhale sarkaroon milan inaam teenoon darbariyon
Teenoon dewaan ki ho duadaan ni chathiye madine deeye
تیرے سو سو ناز اٹھاواں تینوں چماں سینے لاواں
تینوں لگن نہ تتیاں ہواواں نی چٹھئے مدینے دئیے
Tere so so naaz uthawaan teenoon chamaan seene lawaan
Teenoon lagan na tatiyaan hawaawan ni chathiye madine deeye
کرم دیاں ہویاں برساتک سنیاں گیاں میریاں باتاں
پڑھاں نفل نے شکر بجاواں نی چٹھئے مدینے دئیے
Karam diyaan hoyaan barsaatak suniyaan gayaan meriyaan bataan
Parhaan nafal ne shukar bajawaan ni chathiye madine deeye
دیکھ کے تیری کرم نوازی چاؤندا اے بس ایہو نیازی
تینوں سوہنے دی نعت سناواں نی چٹھئے مدینے دئیے
Dekh ke teri karam nawazee chaawanda ae bas eho Niazi
Teenoon sohne di naat sanawaan ni chathiye madine deeye
Share This Naat
Share with friends and family
تینوں چم چم اکھیاں تھیں لاواں نی چٹھئے مدینے دئیے
عبدالستار نیازی