در چھڈ کے احمدِؐ مرُسل دا کسے ہور دوارے جایئے کیوں
دوجگ دی رحمت کیوں چھڈیئے در در دیاں جھڑکاں کھایئے کیوں
Dar chhad ke Ahmad (SAW) da kise hor duarhe jaaiye kyu
Do jag di rehmat kyu chhadiye dar dar diyaan jharkan khaaiye kyu
جیہڑا یار صدیق عمر دا اے جیہڑا یارعثمان حیدر دا اے
جے اوہ یار خدا دا مل جاوے کسے ہور نوں یار بنایئے کیوں
Jehra yaar Siddiq Umar da ae jehra yaar Usman Haider da ae
Je oh yaar Khuda da mil jaave kise hor no yaar banaaiye kyu
اوہو مُونس غم دے ماریاں دا محرم عاصی بے چاریاں دا
اُس رحمتِ عالمؐ دے ہُندیاں اسیں دوزخ دا غم کھایئے کیوں
Oho munis gham de maariyaan da mehram aasi bechariyaan da
Us rehmat-e-alam (SAW) de hundiyaan asi dozak da gham khaaiye kyu
کِتے ملیں تے درد سُنادیئے دل چیر کے آپ دکھا دیئے
غیراں اگے دُکھڑے پھولئے کیوں نالے دل دے زخم دکھایئے کیوں
Kithe milan te dard sunaadiye dil cheer ke aap dikhaadiye
Ghairaan agge dukhde phuliye kyu naale dil de zakhm dikhaaiye kyu
اسیں اعظؔم ڈر دے بول دے نہیں ایہہ راز محبت کھول دے نہیں
جے دل دا محرم مل جاوے اسیں دل دے راز چھپایئے کیوں
Asi Azzam ddar de bol de nahi eh raaz mohabbat khol de nahi
Je dil da mehram mil jaave asi dil de raaz chhapaaiye kyu
Share This Naat
Share with friends and family
در چھڈ کے احمدِؐ مرُسل دا
محمد اعظم چشتی