اوہ گنہگاراں دے بُلّہاں تے جدوں نام حضور آجاندا اے
بخشش دے بوہے کھل جاندے رحمت نوں سرور آجاندا اے
oh gunahgaaraan de bullahaan te jadon naam Huzoor aajanda ae
bakhshish de buhe khul jaande rehmat nu saroor aajanda ae
سرکار دی محفل وچہ جہڑا اوندا اے خالی نئیں مُڑدا
بھُلیاں نوں وی کملی والے دا چیتا تے ضرور آجاندا اے
sarkar di mehfil wichah jera onda ae khaali naeen murrda
bhulyaan nu vi kamli wale da cheta te zaroor aajanda ae
محبوب خدا دی نسبت دی تاثیر نرالی ویکھی اے
بندیاں نوں اکھیاں بند کرکے ویکھن دا شعور آجاندا اے
mehboob Khuda di nisbat di taseer niraali wekhhi ae
bandyaan nu akhiyaan band karke vikhhan da shaoor aajanda ae
دنیا دی محبت دے سارے لشکارے اونہوں بھل جاندے
جدے دل وچہ مدنی ماہی دی الفت دا نور آجاندا اے
duniya di mohabbat de saare lashkaare onhu bhul jaande
jede dil wichah Madni Mahi di ulfat da noor aajanda ae
دنیا دا نظارا کوئی وی چنگا نئیں لگ دا اکھیاں نوں
جدوں عاشق کملی والے دے روضے توں دُور آجاندا اے
duniya da nazara koi vi changa naeen lagda akhiyaan nu
jadon aashiq kamli wale de roze ton door aajanda ae
نیویں نوں ظہوریؔ پھل لگ دا سچ آکھیا رب دے بندیاں نیں
اوہ ٹہن ہمیشہ ٹُٹ جاندے جنہاں نوں غرور آجاندا اے
niveen nu Zahoori phal lag da sach aakhya Rab de bandyaan ne
oh thehn hamesha tutt jaande jehaan nu ghurroor aajanda ae
Share This Naat
Share with friends and family
اوہ گنہگاراں دے بُلّہاں تے جدوں نام حضور آجاندا اے
محمد علی ظہوری