جاتا ہے زمانہ طرفِ کوئے مُحمَّد
ہیں دونوں جہاں والہِ گیسوئے مُحمَّد
Jaata hai zamana taraf-e-koe Muhammad
Hain dono jahan walih-e-geso-e-Muhammad
اِس لمحہء پُرکیف پہ صدقے یہ زمانہ
جب لائے صبا نکہتِ گیسوئے مُحمَّد
Is lamha-e-purkif pe sadqe yeh zamana
Jab laaye saba nakhat-e-geso-e-Muhammad
پُر نُور نہیں مہر و مہ و ذرّہ و انجم
ہے دہر میں تا بندگئ روئے مُحمَّد
Pur noor nahi mehr o mah o zarrah o anjum
Hai dahr mein ta bandage ro-e-Muhammad
دُنیا کی نگاہوں سے ہمیں واسطہ کیا ہے
اپنی تو نگاہیں ہیں فقط سوئے مُحمَّد
Duniya ki nigaahon se humein wasta kya hai
Apni to nigaahen hain faqat soe Muhammad
اے میرے خُدا اے مرے خالق مرے اللہ
ہم کو بھی دکھا دے رُخِ نیکوئے مُحمَّد
Ae mere khuda ae mere khaaliq mere Allah
Hum ko bhi dikha de rukh-e-nekoe Muhammad
ہاں سونگھ کے دیکھو تو ہر اک غنچہ و گُل کو
ہر غنچہ و گُل دیتا ہے خوشبوئے مُحمَّد
Haan songh ke dekho to har ik ghancha o gul ko
Har ghancha o gul deta hai khushboo-e-Muhammad
اک لفظ بھی کہتا نہیں میں اپنی زباں سے
بہزادؔ نظر ہے طرفِ کوئے مُحمَّد
Ik lafz bhi kehta nahi main apni zubaan se
Behzad nazar hai taraf-e-koe Muhammad
Share This Naat
Share with friends and family
جاتا ہے زمانہ طرفِ کوئے مُحمَّد
بہزاد لکھنوی