ہمیں جو یاد مدینے کا لالہ زار آیا
تصوّرات کی دُنیا پہ اِک نکھار آیا
Humein jo yaad madine ka lalah zar aaya
Tassavuraat ki duniya pe ik nikhaar aaya
کبھی جو گُنبدِ خضِرا کی یاد آئی ہے
بڑا سکوُن مِلا ہے بڑا قرار آیا
Kabhi jo gunbad-e-khizra ki yaad aayi hai
Bara sukoon mila hai bara karar aaya
یقین کر کہ مُحمدّؐ کے آستانے پر
جو بد نصیب گیا ہے وہ کامگار آیا
Yaqeen kar ke Muhammad (S.A.W) ke aastane par
Jo bad naseeb gaya hai wo kaamgaar aaya
ہزار شمس و قمر راہِ شوق سے گزرے
خیالِ حُسنِ محمدّؐ جو بار بار آیا
Hazaar shams o qamar raah-e-shauq se guzre
Khayaal-e-husn-e-Muhammad (S.A.W) jo baar baar aaya
عرب کے چاند نے صحرا بسا دیئے ساغرؔ
وہ ساتھ لے کے تجلّی کا اِک دیار آیا
Arab ke chaand ne sehra basa diye saghar
Wo saath le ke tajalli ka ik diyar aaya
Share This Naat
Share with friends and family
ہمیں جو یاد مدینے کا لالہ زار آیا
ساغر صدیقی