میرے سوہنے دی مثال تے نظیر کوئی ناں
نبی پاک جہیا نور تے منیر کوئی ناں
Mere sohney di misaal te nazeer koi naa
Nabi Pak jehiya noor te muneer koi naa
نبی اُمتاں دے باپ ہندے بھائی جان نئیں
علی باہجھ میرے مصطفیٰ دا ویر کوئی ناں
Nabi umtaan de baap hnde bhai jaan naeen
Ali baahjjh mere Mustafa da veer koi naa
قید دل جیویں آمنہ دے لال کر لئے
انج دل کیتے کسے نے اسیر کوئی ناں
Qaid dil jiween Aamna de laal kar liye
Inj dil keete kise ne aseer koi naa
مکھ ازل دی سویر میرے نبی پاک دا
زُلف أبد والی شام دی اخیر کوئی ناں
Mukh azal di sawer mere Nabi Pak da
Zulf abad wali shaam di akheer koi naa
اوہدا پیر اے شیطان سارا جگ جان دا
جنہے منیاں جہان وچ پیر کوئی ناں
Ohda peer ae Shetan sara jag jaan da
Jenhai manyaan jahan vich peer koi naa
جانشین اللہ پاک دے حضور پاک نے
الله پاک دا امیر تے وزیر کوئی ناں
Janasheen Allah Pak de Huzoor Pak ne
Allah Pak da ameer te wazeer koi naa
صائم آقا دی گدائی جہنوں بُری لگدی
اوہ تے اللہ دے وی بُوہے دا فقیر کوئی ناں
Saim Aaqa di gadai jehnun buri lagdi
Oh te Allah de wee boohay da faqeer koi naa
Share This Naat
Share with friends and family
میرے سوہنے دی مثال تے نظیر کوئی ناں
علامہ صائم چشتی