مُقدّر گر ہوا یاور مدینے ہم بھی جائیں گے
نظر کی تشنگی ساری وہیں جا کر مٹائیں گے
Muqaddar gar hua yaawar Madine hum bhi jaaen ge
Nazar ki tishnagi sari wahin jaa kar mitaen ge
دلِ نازک میں اب ہمّت کہاں ہے ہجر و فرقت کی
ملے اُنکی اجازت تو وہیں کُٹیا بسائیں گے
Dil-e-naazuk mein ab himmat kahan hai hijr o furqat ki
Mile unki ijaazat to wahin kutiya basaaen ge
بُلاوا آ گیا تیرا مدینے جا رہا ہے تو
مرے احباب یہ اِک دن مُجھے مُژدہ سُنائیں گے
Bulaawa aa gaya tera Madine jaa raha hai tu
Mere ahbaab ye ik din mujhe mujdah sunaen ge
یہ آنکھیں بھیگ جائیں گی،ترے روضے کو تکتے ہی
خوشی وہ دیدنی ہوگی جو آنسو جِھلملائیں گے
Ye aankhein bheeg jaaen gi, tere roza ko takte hi
Khushi wo deedni hogi jo aansu jhilmilaen ge
ہمیشہ غمزدوں کی جو کیا کرتے ہیں دلجوئی
تو رو کے ہم بھی حال اپنا اُنہی کو جا سُنائیں گے
Hamesha ghamzadon ki jo kiya karte hain diljoi
To ro ke hum bhi haal apna unhi ko jaa sunaen ge
عمل کوئی نہیں ہے لائقِ بخشش مرا ،لیکن
یقیں ہے مُجھ کو دوزخ سے مرے آقاْ بچائیں گے
Amal koi nahin hai laayiq-e-bakhshish mera, lekin
Yaqeen hai mujh ko dozakh se mere aaqa bachaen ge
کریں گے رشک ان کی قسمتوں پر لوگ محشر میں
لِوائے حمد کے نیچے، جنہیں سرکار لائیں گے
Karein ge rashk un ki qismaton par log mahshar mein
Liwa-e-hamd ke neeche, jinhe Sarkar laaen ge
درودِ پاک کے حلقے جہاں سجتے رہے دائم
تو بام و در اُسی گھر کے ہمیشہ جگمگائیں گے
Darood-e-Paak ke halqe jahan sajte rahe daim
To baam o dar usi ghar ke hamesha jagmagaen ge
درود اُن پر جلیل اپنی ،ہے پُونجی زندگانی کی
یہ انوارِِ مُحبّت ہی لحد میں کام آئیں گے
Darood un par jaleel apni, hai poonji zindagani ki
Ye anwaar-e-muhabbat hi lahd mein kaam aaen ge
Share This Naat
Share with friends and family
مُقدّر گر ہوا یاور مدینے ہم بھی جائیں گے
حافظ عبدالجلیل