اپنا غم یاشہِ انبیا دیجئے
چشمِ نَم یاحبیبِ خدا دیجئے
Apna gham ya shahe anbiya dijiye
Chashm-e-nam ya habib-e-Khuda dijiye
چَاک سینہ شہِ دوسَرا دیجئے
قلب بے چَین یامُصطفٰے دیجئے
Chaak seena shahe dosra dijiye
Qalb be chain ya Mustafa dijiye
مُجھ کو آقا مدینے بُلا لیجئے
اور مہمان اپنا بنا لیجئے
Mujh ko aaqa madine bula lijiye
Aur mehman apna bana lijiye
دَر پہ بُلوا کے جلوہ دِکھا دیجئے
میرا سینہ مدینہ بنا دیجئے
Dar pe bulwa ke jalwa dikha dijiye
Mera seena madina bana dijiye
التجا ہے مِری یَاحبیبِ خدا
اشکبار آنکھ ہو جائے مجھ کو عطا
Iltija hai meri ya habib-e-Khuda
Ashkbar aankh ho jaye mujh ko ata
اَز طُفیلِ بِلال و اُویس و رضا
آنسوؤں کا خزانہ شہا دیجئے
Az tufail-e-Bilal o Owais o Raza
Aansuo'n ka khazana shaha dijiye
سوزِ اُلفت کے دل میں جَلائے دیے
یادِ طیبہ میں جو جا رہے ہیں جئے
Soz-e-Ulfat ke dil mein jalae diye
Yaad-e-Tayba mein jo ja rahe hain jiye
اور بے تاب ہیں حَاضِری کے لئے
اُن کو میٹھا مدینہ دکھا دیجئے
Aur be taab hain hazri ke liye
Un ko meetha madina dikha dijiye
مجھ کو اَحباب تنہا چلے چھوڑ کر
جَلد لیجے خبر آمِنہ کے پِسر!
Mujh ko ahbaab tanha chale chhod kar
Jald lije khabar Amina ke pisar!
گُھپ اندھیرا ہے یاشاہِ جِنّ و بَشَر
نُور سے لَحد اب جگمگا دیجئے
Ghup andhera hai ya shahe jinn o bashar
Noor se lahd ab jagmaga dijiye
ہے گناہوں کا اَنبار سلطانِ دیں!
نیکیاں میرے پلّے میں کُچھ بھی نہیں
Hai gunaho'n ka anbar sultan-e-deen!
Nekiyaa'n mere palle mein kuch bhi nahi
چَاک ہوجائے پردہ نہ میرا کہیں
اب خدا سے شہا! بخشوا دیجئے
Chaak ho jaye parda na mera kahin
Ab Khuda se shaha! bakhshwa dijiye
کاش! نیکی کی دعوت میں دوں جابَجا
سُنتیں عَام کرتا رہوں جابجا
Kaash! Neki ki dawat mein doon jaga-jaga
Sunnatein aam karta rahoon jaga-jaga
گر سِتَم ہو اُسے بھی سَہُوں جابَجا
ایسی ہمّت حبیبِ خدا دیجئے
Gar sitam ho use bhi saho'n jaga-jaga
Aisi hummat habib-e-Khuda dijiye
پھر عَرَب کی حسیں وادِیاں دیکھنے
سبز گُنبد کی ہریالیاں دیکھنے
Phir Arab ki haseen wadiyaan dekhne
Sabz gunbad ki haryalian dekhne
رَوْضۂ پاک کی جالِیاں دیکھنے
اِذن بدکار کو مُصطَفٰے دیجئے
Roza-e-pak ki jaaliyan dekhne
Izn badkaar ko Mustafa dijiye
ہے تمنّائے عطّارِؔ اَندَوہ گِیں
ہو نگاہِ کرم اس پہ سلطانِ دیں
Hai tamanna-e-Attar-e? Andohgeen
Ho nigah-e-karam is pe sultan-e-deen
بس بقیعِ مُبارک میں دو گز زمیں
از طفیلِ شہِ کربلا دیجئے
Bas baqi-e-mubarak mein do gaz zameen
Az tufail-e-shah-e-Karbala dijiye
Share This Naat
Share with friends and family
اپنا غم یاشہِ انبیا دیجئے
الیاس عطار قادری