اگر نہ تیری فقیری اے تاجدار کرے
تو کون بوئے بہاراں پہ اعتبار کرے
Agar na teri faqiri ai tajdar kare
To kon boe baharan pe aitbaar kare
جِسے طلب ہے کہ ہو جائے کائنات اُس کی
حدودِ عشق سے بڑھ کر نبیؐ سے پیار کرے
Jisay talab hai keh ho jaye kainaat uski
Hudood-e-ishq se barh kar Nabi (SAW) se pyar kare
وہ کچھ ہی دیر میں گزریں گے مسکراتے ہوئے
کہو یہ موسمِ پت جھڑ سے انتظار کرے
Wo kuch hi der mein guzrain ge muskurate hue
Kaho yeh mausam-e-pat jhar se intezar kare
نصیب ہو گی رضائے خدائے آنحضرت
محبتوں کی امامت جو یارِ غار کرے
Naseeb ho gi raza-e-Khuda-e-Aan Hazrat
Mohabbatoun ki imamat jo yar-e-ghaar kare
اِن آنسوؤں پہ سفر نامہِ جہاں قرباں
گزارا وقت جو طیبہ میں اشکبار کرے
In aansuon pe safarnama-e-jahan qurban
Guzara waqt jo tayyaba mein ashkbaar kare
اُسے دکھاؤ کبھی نقشِ نعلِ سرورِ دیں
جو صرف چاند کے چہرے پہ انحصار کرے
Use dikhau kabhi naqsh-e-naal-e-Sarwar-e-Deen
Jo sirf chaand ke chehre pe inhisaar kare
ہو عشقِ آلِ نبی جس کی زندگی کا نصاب
بہشت چھوڑ کے مُشک اُس کو اختیار کرے
Ho ishq-e-Aal-e-Nabi jis ki zindagi ka nisaab
Bahisht chorh ke mushk usko ikhtiyar kare
تبسمِ شہِ خوباں ہے منتظر اُس کا
جو عشقِ سرورِ عالم میں جاں نثار کرے
Tabassum-e-Shahe Khubaan hai muntazir uska
Jo ishq-e-Sarwar-e-Aalam mein jaan nisaar kare
Share This Naat
Share with friends and family
اگر نہ تیری فقیری اے تاجدار کرے
حافظ محمد ابوبکر تبسمؔ