Ghar e hira ki kaali chatanen

غارِ حرا کی کالی چٹانیں بھوری اور مٹیالی چٹانیں

Ghar-e-Hira ki kaali chatanain Bhuri aur mittiyali chatanain Kis ke Noor se roshan ho gain Pathriili hariyali chatanain Noori naghma Ghar-e-hira par iqra ki surat goonja tha Phir Faraan ki choti se ek suraj nikla Noor sarapa bishri jaamah Laahooti andaaz liye Sadiq aur Ameen ke naam se jaana jata Noori paikar Wahdat ka paighaam liye Laat o Manat o Hubal ke ghar mein illa Allah ka narah le kar pohancha tha Is ko apno ne thukraya Khoon ke rishte ho gaye is ke khoon ke pyase Makkah chhota kaaba chhota Rab ne diya tha hukum-e-hijrat Do noori fanoos chale phir Yathrib ki andhiyari basti roshan karne Ek Nabi tha ek wali tha Sadiq aur Siddiq baham the Manzil Manzil rukta Qafila Nooraani apni manzil yani Madina pohancha Yathrib naamii ujrhi basti In ki khaak-e-Kaf-e-pa paa kar Misal-e-gulistan sar sabz o shaadaab ho gayi Aman ki dhoop sunehri nikhri Pyar mohabbat bhai charay ki meethi meethi si dhadkan Har dil ki meraas ban gayi Doyam saal-e-hijrat mein kaabay ki janib qibla badla Makkey ke kaale dil walay shaytaani mansoobay le kar Preem ki us basti ko mitane Poori taqat se charrh do rey Sabz posh saalaar ke pero Han han wo muthhi bhar momin Sach aur jhoot ka farq batane Utar pare the Badr ke raiteele maidaan mein Khurmay ki sookhi shaakhain talwaar ban gain Aasmaan se utra phir malakoti lashkar Noori fouji paray jamaye Rab ke fazl o karam par shaqir Shoq-e-shahadat dil mein sajaye Apne aaqa ke qadmon mein qurban ho jane ka jazba Man mein samoye Jam gaye dt gaye Batil ki buniyadein hil gain Muslim lashkar fatih ban kar ghar ko louta Badlay ke jazbay ne makkay walon ko phir se uksaya Sare qabile ek ho gaye Uhud ke maidaan mein dono lashkar dobarah jung ko utare Noori lashkar ek taraf tha Ek taraf tha naari lashkar Sab ne ek anhoni dekhi Noori lashkar ke dastay ki ghalati se Saari jeet haar mein badli Naari lashkar bhag chala tha wapis phir pulta Kuch pal pehle jo fatih the Aglay pal maghloob hue wo Aaqa ke mahboob chacha Hamza ne Uhad mein Jaam-e-shahadat nosh kiya Aaqa ke dandan mubarak ko zak pohanchi Moula ne phir apne lashkar ko sameta Razm gaah ka naqsha badla Fath o zafar ki thandi chaaon mein noori lashkar Kalma-e-Tayyab ka parcham lehrata taybah wapis aaya Ghazwah-e-Khandaq mein aaqa ne Apne haath se khandaq khodi Quraish o yahood arab ke qabail Barah hazaar ka lashkar le kar Ek mah tak ghere rahe muslim lashkar ko Aakhir phoot padi dushman mein Sardi ka mausam tha phir bhi Aisa toofan aaya ke khemon ki tanaabein ukhhar gayin Aur ghoday chute Dushman ka samaan-e-rasad bhi khatam ho gaya Ghera toota Dushman apne ghar ko louta Chhatha saal hijrat ka tha jab Maah-e-Zi Qa'dah mein aaqa Chaudah so ashaab ko le kar Umrah ki niyat se nikle Makkah se nau mail idhar Sarkar Hudaybiyah par utare Mausam-e-garma pyaas ki shiddat Kunwein ka paani khatam ho gaya Fakhr-e-Do-Aalam ne paani ki kaliji Daali Hudaybiyah ke kunwein mein Khaali kunwa labraiz ho gaya Yahi jagah thi Jahan Nabi ke dast-e-mubarak se lehraye Noor ke chashmye Pani ke bartan mein baha darya-e-rahmat Phir zuhoor mein aaya Hudaybiyah ka mashhoor moahida Jis ke kaatib Moula Ali the Pyare Nabi ne apne sahabi Hazrat Usman ko Khat de kar Makkah bheja Makkah walon ne Usman ko zair-e-hiraast roke rakha Is athana afwah udi Ke Hazrat Usman Makkah mein maqtool ho gaye Ek babool ke per ke neeche Sarkar-e-Tayyibah ne apne sare sahaba se bait li Bait-e-Ridwan jo kehlai YADULLAHE FAUQA AYDEEHIM Quran mein mazkur hua Phir haftawa saal-e-hijrat mein Ghazwah-e-Khaybar paish aaya tha ALLAHU AKBAR KHARIBAT KHAYBAR ye narah tha zuban-e-Nabi par Qoum-e-yahood ke saat qile Noori lashkar ne fateh kar liye Koh-e-Qamoos pe ek qila tha Arab ke zorawar Murhab ka Moula Ali ko fateh ka parcham Salaaar-e-a'azam ne sounpa Fazl-e-Khuda taeid-e-nabi se Sher-e-Khuda ne Bab-e-Khaybar jad se ukhada Hashtam saal-e-hijrat ke maah-e-Ramadan ki Das tarikh ko sarvari alam Ghazwah-e-Fath-e-Makkah ki tayari kar ke ghar se nikle Das hazaar ka noori lashkar Parcham Fath o Zafar ka le kar Ho hi gya Makkah mein daakhil Rahmat-e-aalam ne a'daee deen ko a'am m'afi de di Phir sarkar ne ghusl kiya hathiyar sajaye Apni chaheti oontni Qaswa par jalwa afroz hue Apne ghulam Usama ko bhi apne sath bithaaya Kokaba-e-Nabawi puri shaan-o-shaukat se Soe ka'aba ravaana hua Dayen bayen aahan posh sahaba ka jhurmut tha Baitullah mein daakhil ho kar Aanhazrat ne sab se pehle Bosah diya Hajar-e-Aswad ko Phir oontni par baithe baithe Baitullah ka tawaaf kiya Kaaba ke gird aur upar tha Teenso saat batoon ka kabza e Siyaed-e-Aalam نے eucalyptus ٹکڑا جاس والہے سورة ذر قرآن معا ۔۔۔

کس کے نور سے روشن ہو گئیں پتھریلی ہریالی چٹانیں

نوری نغمہ غارِ حرا پر اقرا کی صورت گونجا تھا پھر فاران کی چوٹی سے اک سورج نکلا

نور سراپا بشری جامہ لاہوتی انداز لیے

صادق اور امین کے نام سے جانا جاتا نوری پیکر

وحدت کا پیغام لیے لات و منات و ہبل کے گھر میں

الا اللہ کا نعرہ لے کر پہنچا تھا اس کو اپنوں نے ٹھکرایا

خون کے رشتے ہوگئے اس کے خون کے پیاسے مکہ چھوٹا کعبہ چھوٹا

رب نےدیا تھا حکمِ ہجرت دونوری فانوس چلے پھر

یثرب کی اندھیاری بستی روشن کرنے ایک نبی تھا ایک ولی تھا

صادق اور صدیق بہم تھے منزل منزل رکتا

قافلہ نورانی اپنی منزل یعنی مدینہ پہنچا یثرب نامی اجڑی بستی

ان کی خاکِ کفِ پا پا کر مثلِ گلستاں سر سبز و شاداب ہوگئی

امن کی دھوپ سنہری نکھری پیار محبت بھائی چارے کی میٹھی میٹھی سی دھڑکن

ہر دل کی میراث بن گئی دوئم سالِ ہجرت میں کعبے کی جانب قبلہ بدلا

مکے کے کالے دل والے شیطانی منصوبے لے کر پریم کی اس بستی کو مٹانے

پوری طاقت سے چڑھ دوڑے سبز پوش سالار کے پیرو

ہاں ہاں وہ مٹھی بھر مومن سچ اور جھوٹ کا فرق بتانے

اتر پڑے تھے بدر کے ریتیلے میداں میں خرمے کی سوکھی شاخیں تلوار بن گئیں

آسمان سے اترا پھر ملکوتی لشکر نوری فوجی پرے جمائے

رب کے فضل و کرم پر شاکر شوقِ شہادت دل میں سجائے

اپنے آقا کے قدموں میں قرباں ہوجانے کا جذبہ من میں سموئے

جم گئے ڈٹ گئے باطل کی بنیادیں ہل گئیں

مسلم لشکر فاتح بن کر گھر کو لوٹا بدلے کے جذبے نے مکے والوں کو پھر سے اکسایا

سارے قبیلے ایک ہوگئے احد کے میداں میں دونوں لشکر دوبارہ جنگ کو اترے

نوری لشکر ایک طرف تھا ایک طرف تھا ناری لشکر

سب نے ایک انہونی دیکھی نوری لشکر کے دستے کی غلطی سے

ساری جیت ہار میں بدلی ناری لشکر بھاگ چلا تھا واپس پلٹا

کچھ پل پہلے جو فاتح تھے اگلے پل مغلوب ہوئے وہ

آقا کے محبوب چچا حمزہ نے احد میں جامِ شہادت نوش کیا

آقا کے دندان مبارک کو زک پہنچی مولیٰ نے پھر سے اپنے لشکر کو سمیٹا

رزم گاہ کا نقشہ بدلا فتح و ظفر کی ٹھنڈی چھاؤں میں نوری لشکر

کلمہء طیب کا پرچم لہراتا طیبہ واپس آیا غزوہء خندق میں آقا نے

اپنے ہاتھ سے خندق کھودی قریش و یہود عرب کے قبائل

بارہ ہزار کا لشکر لے کر ایک ماہ تک گھیرے رہے مسلم لشکر کو

آخر پھوٹ پڑی دشمن میں سردی کا موسم تھا پھر بھی

ایسا طوفاں آیا کہ خیموں کی طنابیں اکھڑ گئیں اور گھوڑے چھوٹے

دشمن کا سامانِ رسد بھی ختم ہوگیا گھیرا ٹوٹا

دشمن اپنے گھر کو لوٹا چھٹا سال ہجرت کا تھا جب

ماہِ ذی قعدہ میں آقا چودہ سو اصحاب کو لے کر

عمرے کی نیت سے نکلے مکہ سے نو میل ادھر سرکار حدیبیہ پر اترے

موسمِ گرما پیاس کی شدت کنویں کا پانی ختم ہوگیا

فخرِ دوعالم نے پانی کی کلی ڈالی حدیبیہ کے کنویں میں

خالی کنواں لبریز ہوگیا یہی جگہ تھی

جہاں نبی کے دستِ مبارک سے لہرائے نور کے چشمے

پانی کے برتن میں بہا دریائے رحمت پھر ظہور میں آیا

حدیبیہ کا مشہور معاہدہ جس کے کاتب مولا علی تھے

پیارے نبی نے اپنے صحابی حضرت عثماں کو خط دے کر مکہ بھیجا

مکہ والوں نے عثماں کو زیرِ حراست روکے رکھا اس اثنا افواہ اڑی

کہ حضرت عثماں مکہ میں مقتول ہوگئے ایک ببول کے پیڑ کے نیچے

سرکارِ طیبہ نے اپنے سارے صحابہ سے بیعت لی بیعتِ رضواں جو کہلائی

یَدُ اللہِ فَوْقَ اَیْدِیْھِمْ قرآں میں مذکور ہوا پھر ہفتم سالِ ہجرت میں

غزوہء خیبر پیش آیا تھا اللہُ اکبر خَرِبَتْ خَیْبَر

یہ نعرہ تھا زبانِ نبی پر قومِ یہود کے سات قلعے

نوری لشکر نے فتح کر لیے کوہ قموص پہ ایک قلعہ تھا

عرب کے زورآور مرحب کا مولیٰ علی کو فتح کا پرچم سالارِ اعظم نے سونپا

فضلِ خدا تائیدِ نبی سے شیرِ خدا نے بابِ خیبر جڑ سے اکھاڑا

ہشتم سالِ ہجرت کے ماہِ رمضاں کی دس تاریخ کو سرورِ عالم

غزوہء فتحِ مکہ کی تیاری کر کے گھر سے نکلے دس ہزار کا نوری لشکر

پرچم فتح و ظفر کا لے کر ہو ہی گیا مکہ میں داخل

رحمتِ عالم نے اعدائے دین کو عام معافی دے دی پھر سرکار نے غسل کیا ہتھیار سجائے

اپنی چہیتی اونٹنی قصوا پر جلوہ افروز ہوئے اپنے غلام اسامہ کو بھی اپنے ساتھ بٹھایا

کوکبہ نبوی پوری شان و شوکت سے سوئے کعبہ روانہ ہوا

دائیں بائیں آہن پوش صحابہ کا جھرمٹ تھا بیت اللہ میں داخل ہو کر

آنحضرت نے سب سے پہلے بوسہ دیا حجرِ اسود کو

پھر اونٹنی پر بیٹھے بیٹھے بیت اللہ کا طواف کیا کعبے کے گرد اور اوپر تھا

تین سو ساٹھ بتوں کا قبضہ سیدِ عالم نے ایک لکڑی ہاتھ میں لے کر

سارے بتوں کو دیا ٹہوکا جَایءَ الْحَقُّ وَ زَھَقَ الْبَاطِل

اِنَّ الْبَاطِلَ کَانَ زَھُوْقَا ایک ایک بت یہ نعرہ سن کر

گرتا تھا اوندھا منہ کے بل پھر آقا نے کعبہ کا دروازہ کھولا

ہر جانب تکبیر پکاری پھر کعبے کے دروازے کے بازو پکڑ کر

قریش کے بارے میں اعلانِ عفو کیا رحمتِ عالم کی رحمت اور شفقت سب پر کھل کر برسی

دسواں برس ہجرت کا آیا حجِّ وداع ادا فرمایا

اَلْیَوْمَ اَکْمَلْتُ لَکُمْ کا عرفہ میں سندیسہ پایا گیارھواں سال ربیع الاول

بارھواں روز دو شنبہ تھا جب نورِ ازل کے جلوہء اول نے

انسانی آنکھوں سے پردہ فرمایا مولیٰ علی نے غسل دیا جسدِ اطہر کو

حجرہء بی بی صدیقہ میں دفن ہوئے صورت اور سیرت میں یکتا

کامل حسن کا اکمل پیکر روئے مبارک نورِ الٰہی کا آئینہ

اتنا منور اتنا روشن تھا کہ جنابِ صدیقہ نے اس کی چمک میں

کھوئی ہوئی سوئی ڈھونڈ نکالی پیٹھ کے پیچھے دیکھنے والی سرمگیں آنکھیں

قوتِ بینائی ایسی کہ شرق و غرب کو یکساں دیکھیں لمبی اور باریک بھنویں تھیں

دور سے یوں لگتا تھا جیسے جڑی ہوئی ہیں دونوں بھنووں کے بیچ ایک رگ تھی

جو غصہ کی حالت میں حرکت میں آتی اور تن جاتی

بینی اقدس لمبی حسیں اور بیچ میں ابھری اور بُنِ بینی پر اک نور درخشاں

جو اس کی بلندی کا ضامن تھا حضرتِ حسّاں نے پیشانی کے بارے میں یہ فرمایا

'کالی رات میں جب بھی آپ کی پیشانی ظاہر ہوتی تو تاریکی کے روشن چراغ کے مثل چمکتی

ہر دو گوش مبارک کامل و تام تھے اس محبوبِ خدا کے قوتِ بصر کے مثل خدا نے قوت سمع بھی عمدہ بخشی

اسی لیے تو اپنے صحابہ سے فرماتے تم وہ دیکھ نہیں سکتے جو مجھ کو نظر آ جاتا ہے

اور جو کچھ میں سن لیتا ہوں وہ تم نہیں سن سکتے ہو کبھی

میں افلاک کی آوازیں بھی سن لیتا ہوں دہن مبارک لگتا تھا نوری سانچے میں ابھی ابھی

ڈھل کر نکلا ہے رخسارِ سرکارِ دو عالم جیسے دو نورانی پیالے

دنداں ہائے پیشیں تھے روشن اور تاباں جب کلام فرماتے تو دندانِ مبارک میں سے

نور نکلتا دکھتا جب ہنس دیتے دیواریں روشن ہو جاتیں

وہ لبِ شیریں جن پہ گماں ہو باغِ ارم کے سب سے حسیں

گل کی پتی کا حضرت مسعود انصاری کی بیٹیوں نے

سرکار کا جوٹھا اک دن کھایا مرتے دم تک ان کے منہ سے

خوشبو کے فوارے چھوٹے کوئی منہ کی بیماری ان کو نہ ہوئی پھر آخر دم تک

تھا اکسیر لعابِ دہنِ مبارک ان کا زخمی اور بیماروں کو

مولیٰ علی کی دکھتی آنکھیں اسی لعاب سے خیبر کے دن اچھی ہوگئیں

ایسی اچھی جیسے کبھی کچھ ہوا نہیں تھا غارِ ثور میں صدیقِ اکبر کے پاؤں میں

سانپ نے کاٹا درد کی شدت اتنی بڑھی

کہ آنکھ سے آنسو جاری ہوگئے آقا نے فوراً ہی زخم پہ اپنا لعابِ دہن لگایا

چشمِ زدن میں زخم بھر گیا درد کی شدت ختم ہوگئی

بدر کے روز رفاعہ بن رافع کی آنکھ میں تیر لگا تھا

سرورِ عالم نے فوراً ہی آنکھ کے زخم میں اپنا لعابِ دہن لگایا

اور دعا کی ساری اذیت دور ہو گئی

آنکھ بھی ہوگئی پہلے جیسی آپ کے خادم انس کے گھر میں ایک کنواں تھا

آپ نے اپنا لعابِ دہن اس کنویں میں ڈالا پانی ایسا شیریں ہوا

کہ طیبہ بھر میں اس سے بڑھ کر کوئی میٹھا کنواں نہیں تھا

امِّ معبد نے فرمایا : " آپ کی باتیں میٹھی میٹھی

حق کیا ہے اور باطل کیا ہے اس کا فرق بتانے والی

نہ حد سے کم نہ حد سے زیادہ گویا لڑی سے گرتے موتی "۔

خوش آواز تھے میرے آقا مستورات گھروں میں بیٹھی

سارا خطبہ سن لیتی تھیں گردنِ اقدس اتنی حسیں اور اتنی سبک تھی

لگتا تھا چاندی میں ڈھلی ہے دستِ مبارک

ریشم و دیبا سے بھی زیادہ نرم و نازک ایک مصافحہ جو کر لیتا

دن بھر ہاتھ میں خوشبو پاتا جس بچے کے سر پر آقا اپنا دستِ مبارک رکھتے

وہ خوشبو میں اوروں سے ممتاز ہی رہتا یہ وہی دستِ کرم تھا

کہ کبھی کوئی سائل آپ کے در سے خالی ہاتھ نہ واپس لوٹا

یہ وہی دستِ شفا تھا جس کے لمس نے بیماروں کو شفا دی

یہی مبارک ہاتھ تھا جس کی ایک انگلی کے اشارے سے

دو ٹکڑے چاند ہوا تھا حضرت ابیض ابن حمال کے چہرے پر تھا داد پرانا

ایک روز آنحضرت نے ان کو بلوایا اپنا دستِ شفا ان کے چہرے پر پھیرا

شام نہ ہونے پائی کہ وہ اچھے ہوگئے جنگِ احد میں ابو قتادہ کی ایک آنکھ کا

ڈیلا نکل کے آن پڑا رخسار کے اوپر آقا نے ان کو بلوایا

اپنے دستِ مبارک سے ڈیلے کو آنکھ کے خول میں واپس رکھا

اور لعابِ دہن لگایا فوراً ہی آرام آگیا

سینہء اقدس اسرارِ ربانی کا ایک گنجینہ تھا

اپنے قلبِ شریف کی نسبت خود سرکار نے فرمایا ہے

"آنکھ مری سو جاتی ہے پر دل کو نیند نہیں آتی ۔" پشت مبارک ایسی صاف و سفید

کہ پگھلائی ہوئی چاندنی لگتی تھی بیچ میں دونوں شانوں کے تھا

گوشت کا ایک نورانی ٹکڑا ابھرا ابھرا

جی ہاں ! یہی تھی مہرِ نبوت ہر دو پائے مبارک ان کے

ہاں ہاں ڈھلے نوری سانچے میں قدمِ اقدس پتھر کے سینے میں اپنی جگہ بناتا

اور جب ریت پہ چلتے تو کوئی بھی نشان نہ ظاہر ہوتا

یہ وہی قدمِ مبارک ہیں کہ قیامِ شب میں ورم کر آتے

یہ وہی قدم مبارک ہیں کہ مکہ اور بیت المقدس کو

ان سے ملا تھا شرف زائد یہی وہ پاک قدم ہیں جنھوں نے

اسریٰ کی شب عرش سے آگے منزل کی تھی

تھے سرکار میانہ قد مائل بہ درازی لاکھوں کے مجمع میں سب سے بلند نظر آیا کرتے تھے

سایہ نہ تھا جسم انور کا آپ نے اپنے رب سے ایک دعا یہ مانگی :

" اے اللہ تمام اعضا اور جہات میں نور عطا کر مجھ کو "

ختمِ دعا پر یہ فرمایا وَ اجْعَلْنِيْ نُوْراً ۔ اور مجھ کو نور بنا دے

آپ کا سایہ نہ ہونے میں یہ حکمت تھی کہ آپ کے سائے کو کوئی کافر

کر نہ سکے پامال کبھی بھی رنگ مبارک گورا تھا اور روشن و تاباں

سرخی مائل بعض جگہ سرکار کو گندم گوں لکھا ہے

جلد مبارک نرم اور خوشبودار تھی اتنی مشک بھی ہیچ تھی جس کے آگے

والدہء سرکار نے دی ہے اس کی شہادت مشک و عبیر سے خوش تر تھی سرکار کی خوشبو

خوشبودار پسینہ تھا سرکار کا ایسا ایک صحابی گھر کو لے گئے بوتل بھر کے

ان کی بیٹی اسے لگاتی خوشبو سارے اہل مدینہ کو مل جاتی

یہ گھر" خوشبو والوں کا گھر " دور دور مشہور ہوگیا امِ سلَیم پسینہ اطہر کو بوتل میں بھر لیتی تھیں

تا کہ ان کے بچے پائیں اس سے برکت جس کوچے سے آپ گزرتے

وہ تا دیر معطر رہتا لوگ سمجھ لیتے کہ یہاں منبع نور و نکہت گزرا

مکھی آپ کے اعضا اور کپڑوں پہ نہ بیٹھی اور نہ کبھی جوں نے ایذا دی

جن چوپایوں پر سرکار سواری کرتے پاسِ ادب سے وہ چوپائے

بول و براز سے پاک ہی رہتے ۔ بال نہ تو گھنگرو والے تھے

اور نہ بالکل سیدھے سادے بیچ میں ناف اور گردن کے بالوں کا ایک باریک سا خطہ تھا

دونوں بازو شانوں اور سینے کے بالائی حصے میں بال تھے زیادہ

آنحضرت کو تہہ بند چادر اور قمیص بے حد پسند تھی یمن کی دھاری دار چادروں سے رغبت تھی

آپ نے ساری عمرِ اقدس کبھی نہ پہنا پاجامہ

اونی جبہ شامیہ اکثر پہنا کرتے بعض اوقات عمامہ میں تحنیک بھی کرتے

یعنی ایک پیچ بائیں جانب سے تھوڑی کے نیچے سے لا کر سر مبارک پر لپیٹتے

عمامہ اکثر سیاہ رنگ کا ہوتا جس کا شملہ

کبھی تو ہوتا کبھی نہ ہوتا نعلینِ اقدس چپل کی صورت تھیں

ہر اک کے دو دو تسمے دوہری تہہ والے آنحضرت کی ذاتِ اقدس

خلقِ عظیم کی ساری انواع و اقسام کی جامع تھی ابراہیمی حلم و سخاوت

اسماعیلی صدق وعدہ شکرِ داؤد عزمِ سلیماں

صبرِ ایوب شانِ کلیمی اور دمِ عیسیٰ

یہ اوصاف و محاسن رب نے نبیوں کے سردار کو بخشے

حضرت سعد نے آنحضرت کے خلق کی بابت پوچھا تو بی بی صدیقہ نے فرمایا :

" پیارے نبی کا خلق تھا قرآں" ارشاد صدیقہ کا مفہوم یہ ہے

کہ مصحفِ پاک میں جتنے بھی اخلاقِ حمیدہ ذکر ہوئے ہیں وہ سب کےسب آنحضرت کی ذاتِ اقدس میں شامل تھے

خلق اور خلق میں وہ سب نبیوں سے افضل تھے کس میں تھا علم ان کے جیسا

اور کس میں ان کا سا کرم تھا سرورِ عالم صبر و حلم و عفو کا منبع

رحمت اور شفقت کا دریا حسنِ سلوک کے سچے مبلغ

سب سے بڑھ کر متواضع تھے جود و سخا ایثار میں یکتا

قوت عزم و استقلال و شجاعت میں بھی سب سے برتر سب سے اعلیٰ

زہد و ریاضت خوف و عبادت صدق و عدالت، عہدِ وفا میں سب سے افضل

عفت و عصمت شرم و حیا میں سب سے اچھے معجزات دیگر نبیوں کو

الگ الگ تھے رب نے بخشے وہ سب کے سب جمع ہوئے ذاتِ احمد میں

سب سے بڑا اعجاز نبی کا قرآں ہی ہے ان کے رب نے انہیں بلایا

اسریٰ کی شب عرش سے آگے انگلی کے بس ایک اشارے سے

دو ٹکڑے چاند ہو گیا مولیٰ علی کی عصر کی خاطر

ڈوبا ہوا سورج پلٹایا حضرت جابر کی دعوت میں

مردہ بکری اور جابر کے مردہ بچوں کو پھر سے زندہ فرمایا

سرکش اونٹ نے آپ کے آگے پیشانی سجدے میں رکھی

شیر بھیڑیا بکری پتھر اور درخت سارے کے سارے فرماں بردار اور مطیع تھے پیارے نبی کے

غیب کا علم دیا تھا رب نے ابن عمرِ سے یہ مروی ہے

سرور عالم نے فرمایا " رب نے ساری دنیا میرے سامنے رکھ دی

میں دنیا کو اور قیامت تک اس میں پیش آنے والے سارے حوادث کو

اس طرح دیکھ رہا ہوں جیسے میرے سامنے ہے میری یہ ہتھیلی "۔

سید عالم نے فرمایا " میری امت اول سے آخر تک

مجھ پر پیش کی گئی میرے لیے بنوائی گئیں مٹی اور پانی سے سب شکلیں

اور مجھ کو دکھلائی گئیں جتنا تم پہچانتے ہو اپنے ساتھی کو

اس سے کہیں بہتر میں ہر فردِ امت سے واقف ہوں"۔ لوح و قلم کا علم آپ کے علم میں شامل

ذات و صفات باری تعالیٰ کے اسرار و معارف کا وہ گنجینہ ہیں

یوم الست میں سب سے پہلے آقا ہی نے بلیٰ کہا تھا عرش کے پایوں پر حوروں کے سینوں پر

جنت کے محلوں اشجارِ فردوس کے پتّوں اور فرشتوں کے چشم و ابرو پر ان کا نام لکھا ہے

جس نے حضور کو خواب میں دیکھا اس نے بے شک آپ کو دیکھا

کیونکہ شیطاں آپ کی صورت بن نہیں سکتا حضور کی قبر شریف ہے افضل

کعبہ سے اور عرشِ علا سے قبر شریف پہ ایک فرشتہ

رب کی طرف سے متعیّن ہے جو امت کے درود آپ تک پہنچاتا ہے

صل اللہ علیہ وسلم نظمی پڑھتے رہیے ہر دم

یہی رضائے رب کی ضمانت یہی شفاعت کا پروانہ

یہی ہے قبر کی سختی سے بچنے کا طریقہ صل اللہ علیہ وسلم

یہی تو جنت کی کنجی ہے

غارِ حرا کی کالی چٹانیں

Share This Naat

Related Naats

آمنہ کے پالے نے دو جہاں کو پالا ہے

وہ جن کی یاد سے دل کا مکان روشن ہے

ان کی چوکھٹ ہوتو کاسہ بھی پڑا سجتا ہے

تجلّیِ روئے ماہِ طیبہ ستارا قسمت کا جگمگائے