بشر بھی ہے بشریت کا افتخار بھی ہے
رسول بھی ہے رسولوں کا شہریار بھی ہے
Bashar bhi hai bashriyat ka iftikhar bhi hai
Rasul bhi hai rasulon ka shehriyar bhi hai
جو دیکھ کر تجھے پتھرا گئی تھیں پہلے پہل
وہ آنکھ آج ترے غم میں اشکبار بھی ہے
Jo dekh kar tujhe pathra gai thein pehle pehl
Woh aankh aaj tere gham mein ashkbar bhi hai
مجھے فلک کے مقدر پہ رشک کیوں آئے
مری زمیں پہ ترا در ترا دیار بھی ہے
Mujhe falak ke muqaddar pe rashk kyun aaye
Mari zameen pe tera dar tera dayar bhi hai
میں مسکرا کے کئی غم خرید لیتا ہوں
میں جانتا ہوں کوئی میرا غم گسار بھی ہے
Main muskurake kai gham kharid leta hoon
Main jaanta hoon koi mera gham gusar bhi hai
ترے اس ابرِ کرم کا ہے انتظار مجھے
جو برق ریز بھی ہے اور برفبار بھی ہے
Tere is abr-e-karam ka hai intezaar mujhe
Jo barq rez bhi hai aur barfbar bhi hai
مرا قلم ہی مرا پل صراط ہے اعظم
یہ میرے واسطے گل بھی ہے نوکِ خار بھی ہے
Mera qalam hi mera pul sirat hai Azam
Ye mere waste gul bhi hai nok-e-khar bhi hai
Share This Naat
Share with friends and family
بشر بھی ہے بشریت کا افتخار بھی ہے
محمد اعظم چشتی