کیا شور ذکر و فکر دعا پنجگانہ کیا
آتا نہیں ہے عشق میں آنسو بہانہ کیا
Kya shor zikr o fikr dua panjgana kya
Aata nahi hai ishq mein aansu bahanah kya
آنکھیں بھی اشک بار ہیں لب پر دورد بھی
رحمت کو اب بھی چاہیے کوئی بہانہ کیا
Aankhen bhi ashk bar hain lab par durd bhi
Rehmat ko ab bhi chahiye koi bahanah kya
رکھا جو ہاتھ سینے پہ دھڑکن نہیں ملی
دل ، ہو گیا مدینے کی جانب روانہ کیا؟
Rakha jo haath seene pe dhadkan nahi mili
Dil, ho gaya Madinah ki janib rawana kya?
وہ بھی ہیں آستان بھی ہے ، کردے نثار جاں
پھر لوٹ کر اب آئے گا ایسا زمانہ کیا
Woh bhi hain astan bhi hai, karday nisaar jaan
Phir laut kar ab aaye ga aisa zamana kya
موسیٰ کا حال مانعٔ حسرت ہوا ہمیں
تابِ نظر نہیں ہو تو نظریں اُٹھانا کیا
Moosa ka haal maniya-e hasrat hua humein
Taab-e nazar nahi ho to nazren uthana kya
تسبیح دانے دانے مُصلّا ہے تار تار
آیا ہے خانقاہ میں کوئی دوانہ کیا
Tasbeeh danay danay musalla hai taar taar
Aaya hai khanqah mein koi deewana kya
ڈرتا ہے کس لیے غمِ دوراں سے رات دن
پالا نہیں ہے تو نے غمِ عاشقانہ کیا
Darta hai kis liye gham-e doraan se raat din
Pala nahi hai to nay gham-e aashiqana kya
یہ مرحلہ ہے زیست کا طے کر اسے ابھی
اب مر کے ہوگا سوئے مدینہ روانہ کیا
Yeh marhala hai zeest ka tay kar ise abhi
Ab mar ke hoga soye Madinah rawana kya
دیدار بھی حضور کا ، کوثر کا جام بھی
دیکھو قصیدہ لکھ کے ملا ہے خزانہ کیا
Deedaar bhi huzoor ka, kausar ka jaam bhi
Dekho qasida likh ke mila hai khazana kya
سر کو جھکا دیا جو درِ یار پر ادیبؔ
جب تک قضا نہ آئے تو سر کو اُٹھا نا کیا
Sar ko jhuka diya jo dar-e yaar par Adeeb
Jab tak qaza na aaye to sar ko uthana kya
Share This Naat
Share with friends and family
کیا شور ذکر و فکر دعا پنجگانہ کیا
حضرت ادیب رائے پوری