چشمِ کرم حضور کی فیضانِ نعت ہے
رزقِ سخن ملا ہے یہ احسانِ نعت ہے
Chashm-e-karam Huzoor ki faizaan-e-naat hai
Rizq-e-sukhan mila hai yeh ehsaan-e-naat hai
ترقیمِ نعت سے ہوئے الفاظ نور نور
اور جگمگا اُٹھا مرا دیوانِ نعت ہے
Taqreem-e-naat se hue alfaaz noor noor
Aur jagmaga uthha mera deewaan-e-naat hai
مدحت کے پھول بے بہا دامن میں آگئے
کتنا بڑا نبی کا گلستانِ نعت ہے
Mad'het ke phool be baha daaman mein aaye
Kitna bara Nabi ka gulsitaan-e-naat hai
کچھ سسکیاں ہیں اشک ہیں کچھ درد اور درود
اتنا سا میرے پاس بھی سامانِ نعت ہے
Kuchh siskiyan hain ashk hain kuchh dard aur durood
Itna sa mere paas bhi saamaan-e-naat hai
عشقِ نبی میں ڈوب کے جو بھی کرے ثنا
وہ ہی عظیم ہے وہی سلطانِ نعت ہے
Ishq-e-Nabi mein doob ke jo bhi kare sana
Woh hi azeem hai wohi sultaan-e-naat hai
غارِ حرا کا نور ہو آنکھوں میں گر بسا
خامہ بھی وہ لکھے گا جو شایان نعت ہے
Ghaar-e-Hira ka noor ho aankhon mein gar basa
Khaama bhi woh likhe ga jo shayaan-e-naat hai
دل میں اگر ہو یاد شہِ دو جہان کی
ہر شعبۂ حیات میں امکانِ نعت ہے
Dil mein agar ho yaad Shah-e-do jahan ki
Har shauba-e-hayaat mein imkaan-e-naat hai
آئی بہارنعتوں کی کلیاں چٹک گئیں
اے ناز تیرے قلب پہ بارانِ نعت ہے
Aayi bahaar naaton ki kaliyan chatak gayeen
Ae Naaz tere qalb pe baaran-e-naat hai
Share This Naat
Share with friends and family
چشمِ کرم حضور کی فیضانِ نعت ہے
صفیہ ناز