کدی در در تے اوہ نہیں جاندے جو اک در دے دیوانے نے
اک در دے جیڑے ہو جاندے اوہ دیوانے وی دانے نے
Kadi dar dar te oh nahi jandey jo ik dar dey deewanay ne
Ik dar dey jehray ho jandey oh deewanay vi danay ne
دربار تے اوندا جاندا رو قدماں تے سیس جھکاوندا رو
رل بہناں یار دی چوکھٹ تے سجناں دے ملن بہانے نے
Darbar te onda janda ro kudmaan te sees jhukawanda ro
Rul behnan yaar di chaukhat te sajnan dey milan bahaney ne
بانہہ پھیر لینی ہر بے زردی ایہہ ریت ہے ساقی دے گھر دی
ایتھے لوڑ نئیں جام تے ساغر دی ایتھے اکھیاں دے پیمانے نے
Baanah pheer leni har be zardi eh reet hai saqi de ghar di
Ithey lor nahi jaam te saghar di ithey akhiyan de paimaney ne
آئیاں بختاں والیاں گھڑیاں نے بن پیتیاں مستیاں چڑھیاں نے
انج لگدا میرے ساقی دیاں اکھیاں وچہ دو میخانے نے
Aiyan bakhtan valiyan gharian ne bin peetiyan mastiyan charhiyan ne
Inj lagda mere saqi dian akhiyan vichah do mey khaney ne
اسیس اوس شمع دے قائل نہیں نہ آپ روے نہ پروانے
بن سڑیاں نور جو دیندی اے سب اوسے دے پروانے نے
Asees os shama de qa'il nahi na aap rove na parwaney
Bin sarran noor jo deendi ae sab osay de parwaney ne
کدوں تیک رویں گا بچ بچ کے آجا یار منائیے نچ نچ کے
اگ عشق دی لگدی مچ مچ کے سانوں دسیا اک مستانے نے
Kadon tak rove ga bach bach ke aaja yaar manaiye nach nach ke
Agg ishq di lagdi mach mach ke sano dassiya ik mastaney ne
مرشد دی سنگت پیاری اے جہدی اللہ نبی ﷺ نال یاری اے
دسو کہدی بیڑی تاری اے ظالم بیدرد زمانے نے
Murshad di sangat pyaari ae jehdi Allah nabi ﷺ nal yaari ae
Dasso kehdi berd tari ae zalim bedard zamaaney ne
ماری اے دنیا مرضاں دی بھلی بات نیازی فرضاں دی
ساڈی یاری غرضاں دی ولیاں دے پاک یارانے نے
Mari ae dunya marzan di bhali baat Niazi farzan di
Saadi yaari ghazran di walian de paak yaaraney ne
Share This Naat
Share with friends and family
کدی در در تے اوہ نہیں جاندے جو اک در دے دیوانے نے
عبدالستار نیازی