ہم درد کے ماروں کا ہے کام صدا کرنا
سرکار ! کرم کرنا، دردوں کی دوا کرنا
Hum dard ke maaron ka hai kaam sada karna
Sarkar! karam karna, dardon ki dawa karna
فریاد کنندہ ہیں ، رکھتے ہیں خبر اتنی
ہے شانِ کرم اُن کی ، فریاد سنا کرنا
Fariyaad kaninda hain, rakhte hain khabar itni
Hai shan-e-karam un ki, fariyaad suna karna
جب اَوج پہ حدّت ہو خورشید کی محشر میں
سرکار ! غلاموں پر رحمت کی ردا کرنا
Jab aoj pe hiddat ho khursheed ki mahshar mein
Sarkar! ghulaamon par rehmat ki rida karna
لِلّٰہ ! غلاموں کو اب اِذنِ حضوری دیں
ان کے ہے فقط بس میں سرکار! دعا کرنا
Lillah! ghulaamon ko ab izn-e-huzoory den
Un ke hai faqat bas mein sarkar! Dua karna
ترقیم یہ مدحت کی، تلوار پہ چلنا ہے
محتاط بہت رہنا ! جب اُن کی ثنا کرنا
Tarqeem yeh madhat ki, talwar pe chalna hai
Mohtaat bohat rehna! Jab un ki sana karna
دامان کو بھرتے ہیں سرکار غلاموں کے
آتا ہو فقط در پر دامان کو وا کرنا
Damaan ko barhte hain sarkar ghulaamon ke
Aata ho faqat dar par damaan ko wa karna
ہے جلیل نکمے کی سرکار ! یہی خواہش
’’ جب نزع کا وقت آئے دیدار عطا کرنا ‘‘
Hai Jaleel Nikammay ki Sarkar! yahi khwahish
“Jab naza ka waqt aaye deedaar ata karna”
Share This Naat
Share with friends and family
ہم درد کے ماروں کا ہے کام صدا کرنا
حافظ عبدالجلیل